Ispanija zaniała pieršaje miesca ŭ rejtynhu krain, jakija bolš za ŭsio padychodziać dla padarožžaŭ u adzinočku.

Alhambra, fota ispaniagid.ru

Alhambra, fota ispaniagid.ru

Pra heta US News paviedamlaje sa spasyłkaj na daśledavańnie kansałtynhavaj kampanii BAV Consulting i Uortanskaj škoły biznesu pry Piensilvanskim univiersitecie

«Kali havorka zachodzić pra adzinočny turyźmie, mnohija ludzi ličać Ispaniju najlepšym vybaram. Vam nie patrebien partnior, kab poźniaj nočču prahulacca da Alhambry. Ad fłamienka možna atrymać asałodu i za stolikam na adnu piersonu. A tapas maje taki ž smak, kali jeści ich u adzinočku», — adznačajecca ŭ dakładzie.

Apytanyja ekśpiertami turysty adznačyli bahatuju kulturu Ispanii, raznastajnaść pryrody i kuchniu krainy. U 2014 hodzie jaje naviedali 65 młn turystaŭ z usiaho śvietu.

Druhoje miesca rejtynhu zajmaje Italija. Za joj iduć Aŭstralija i Novaja Ziełandyja, a zamykaje piaciorku Brazilija. Najhoršymi krainami dla padarožžaŭ u adzinočku byli nazvanyja Pakistan i Iran.

Rejtynh składaŭsia na asnovie niekalkich kryteraŭ. Siarod ich — kulturny składnik adpačynku, pryjaznaść miascovych žycharoŭ, zabavy, klimat, biaśpieka, malaŭničaść i ŭnikalnaść. Usiaho ekśpierty apytali bolš za 16 tysiač čałaviek pa ŭsim śviecie.

Клас
0
Панылы сорам
0
Ха-ха
0
Ого
0
Сумна
0
Абуральна
0