U 2008 hodzie za dalar davali 2100 rubloŭ. U 2010-m — 3000. U 2011-m — 9000. U śniežni 2014-ha rubiel upaŭ da 14500. A ŭ studzieni 2016-ha pierakročyŭ miažu 20 000.

fota Siarhieja Hudzilina

U takich umovach niama sensu źbirać hrošy ŭ rublach. Niama nijakaha aŭtarytetu ŭ rubla. A ŭsie ličby ekanamičnaha rostu ściraje inflacyja.

Za adzin tydzień, z 11 da 18 studzienia, aficyjny kurs amierykanskaj valuty vyras z 18750 da 20130 rubloŭ, dabaŭlajučy 200—300 rubloŭ za dzień. 

Jašče i nie kaniec tydniu, a dalar handlujecca ŭ abmieńnikach amal pa 22 z pałovaj tysiačy. 

Pry takoj chutkaj devalvacyi ŭłady nie śpiašajucca supakojvać biełarusaŭ i ahučvać svaje płany stabilizacyi kursa i ekanomiki. Ale ŭžo siońnia vidać, što navat biudžet krainy, źviarstany z raźliku na siaredniehadavy kurs dalara 18600 rubloŭ, užo nieaktualny.

Były staršynia Nacbanka Stanisłaŭ Bahdankievič miarkuje, što nijakaha antykryzisnaha płana va ŭładaŭ i niama. 

«Takoha imklivaha padzieńnia rubla, VUP i prybytkaŭ nasielnictva možna było b paźbiehnuć, — skazaŭ Bahdankievič «Našaj Nivie», — kali b my damovilisia z MVF, kali b ułady ahučyli ŭciamnuju stratehiju pa vychadzie z kryzisu. Ale hetaha niama».

Na dumku ekanamista, rubiel i ekanomika buduć padać dalej.

«U horšym varyjancie ja čakaju kursa ŭ 30 tysiač da kanca hoda. Ułady, ja miarkuju, vymušanyja buduć pajści na administracyjnyja zachady — abmiažoŭvać sam handal na valutnym rynku, u abmieńnikach. Bo ja nie baču, kab jany vyrašali prablemy inačaj», — padsumavaŭ Bahdankievič.

Ź jahonym prahnozam što da 30 tysiač rubloŭ za dalar nie pahadžajecca starejšy finansavy analityk «Alpary» Vadzim Iosub, ale taksama adznačaje, što i padstavaŭ dla aptymizmu niama. 

«Kankretnych ličbaŭ siońnia nie daść nichto, bo na kurs upłyvaje ceły šerah vonkavych i ŭnutranych čyńnikaŭ. Heta i padzieńnie cany na naftu, i padzieńnie rasijskaha rubla. Ale ja b asabliva adznačyŭ niaŭdały dekret №7, jaki zrabiŭ niepryciahalnymi ŭmovy bankaŭskich depazitaŭ, i ludzi pačali ich zabirać, kuplajučy za hetyja hrošy valutu», — skazaŭ Iosub.

Adzinaje, što moža nas vyratavać, pavodle ekanamista, heta čakany kredyt ad MVF.

«Kali ŭłady zdolejuć damovicca pra kredyt, to heta dapamoža stabilizavać kurs, zapavolić jahonaje padzieńnie. Ale navat kredyt nie daść adskoku kursa nazad», — pierakanany analityk. 

I treci ekanamist, Źmicier Kruk, jakoha my zapytalisia pra kurs rubla, pradkazaŭ dalejšy rost amierykanskaj valuty.

«Na pačatak leta ja baču kurs 24 tysiačy rubloŭ. Ale jak budzie dakładna, skazać ciažka. Kali nafta stabilizujecca na ŭzroŭni 30 dalaraŭ za baral, to i biełaruski rubiel zaviśnie na ŭzroŭni 20 tysiačaŭ za dalar, heta kali nie ŭličvać unutranych ekanamičnych prablem, jakija taksama treba raźviazvać. Pryčyn kazać, što ŭ pierśpiektyvie biełaruski rubiel umacujecca, — niama», — pierakanany Źmicier Kruk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?