Kampanija Microsoft pryznačyła novaha kiraŭnika pradstaŭnictva ŭ Respublicy Biełaruś — Antona Miakišava.

Jak paviedamiła pres-słužba pradstaŭnictva Microsoft, klučavymi zadačami dla novaha kiraŭnika stanuć: raźvićcio biźniesu kampanii ŭ krainie, u pryvatnaści ŭ śfiery vobłačnych technałohij, padtrymańnie tryvałych dziełavych adnosin z klučavymi zamoŭcami i partniorami, raźvićcio ŭzajemaadnosin ź dziaržaŭnymi orhanami i kiravańnie kamandaj pradstaŭnictva. Anton Miakišaŭ budzie padparadkoŭvacca Irynie Kazłovaj, hienieralnamu dyrektaru padraździaleńnia Microsoft, jaki adkazvaje za raźvićcio novych rynkaŭ u Centralnaj i Uschodniaj Jeŭropie.

«Rynak Biełarusi maje ŭsie nieabchodnyja jakaści dla paśpiachovaha raźvićcia ŭ pryjarytetnych dla našaj kampanii kirunkach — vobłačnych i mabilnych technałohij, płatformiennych rašeńniaŭ i srodkaŭ dla sumiesnaj pracy», — prakamientavaŭ pryznačeńnie Miakišaŭ.

Raniej, z 2013 hoda, biełaruskaje pradstaŭnictva Microsoft ŭznačalvała Iryna Maksimava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?