Hramadzianin Rasii Piotr Ivanik, jaki znachodziŭsia ŭ kamiery śmiarotnikaŭ SIZA № 1 Minska, vyzvaleny z-pad varty, paviedamili ŭ Hienieralnaj prakuratury Biełarusi.

Pavodle słoŭ načalnika mižnarodna-pravavoha adździeła Aleha Chłyščenki, va ŭstanoŭleny zakonam termin u Hienprakuraturu nie pastupili dakumienty z Abjadnanych Arabskich Emirataŭ na vydaču asudžanaha. U suviazi z hetym 16 studzienia 2016 hoda Ivanika vypuścili na volu.

Nahadajem, u śniežni 2011 hoda šaryjacki sud emirata Šardža AAE pryznaŭ Piatra Ivanika i jaho biźnies-partniora Alaksieja Jančuka ŭdzielnikami zabojstva svajho kampańjona z Čalabinska Jaŭhiena Chaprova i zavočna vynies im śmiarotny prysud.

Chaproŭ, Jančuk i Ivanik źjaŭlalisia zasnavalnikami kampanii AVIA, jakaja zajmałasia hruzapasažyrskimi avijapieravozkami. Jak paviedamlali rasijskija ŚMI, partniory stali padazravać Jančuka ŭ rastracie 3,2 młn dołaraŭ, što nieŭzabavie paćvierdziła aŭdytarskaja pravierka. U vyniku jamu daviałosia pieradać partnioram svaju dolu ŭ kampanii. U sakaviku 2009 hoda nieviadomyja vykrali Chaprova ź jaho doma i vyvieźli ŭ nieviadomym kirunku. Paźniej biźniesmiena znajšli zabitym va ŭłasnaj mašynie.

Šaryjacki sud paličyŭ vinu Jančuka i jaho pamočnika Ivanika dakazanaj. Pakolki ŭ AAE niama padziełu na zamoŭcaŭ i vykanaŭcaŭ zabojstva, abodva pryznanyja ŭdzielnikami złačynstva. Niepasrednych kileraŭ, jakija ŭvarvalisia ŭ dom biźniesmiena, śledstva tak i nie ŭstanaviła.

Doŭhi čas miescaznachodžańnie Jančuka i Ivanika było nieviadomaje. Paźniej źjaviłasia infarmacyja, što Jančuk, mahčyma, maje prava na žycharstva ŭ Hiermanii, a Ivanik apynuŭsia ŭ minskim SIZA.

U pasolstvie Rasii paviedamili, što advakat rehularna naviedvaŭ Ivanika ŭ śledčym izalatary. Konsulski adździeł ŭvažliva sačyŭ za losam asudžanaha.

U vypadku ekstradycyi ŭ AAE Ivanika mahli rasstralać, jak heta praduhledžana kryminalnym zakanadaŭstvam Emirataŭ adnosna asudžanych da śmiarotnaha pakarańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?