Kab dapamahčy sabrać hrošy na lačeńnie chvoraj dziaŭčynki – Hannački Klaviec – inicyjatyŭnyja ludzi stvaryli supołku ŭ sacsietkach pa prodažy valancinak.

Achvotnyja mohuć prapanavać svaju valancinku, jakaja vystaŭlajecca na prodaž. Jana moža być ź luboha materyjału: papiery, myła, tkaniny, ciesta i inšych. Heta vydatny padarunak da Dnia zakachanych, a baćkam dziaŭčynki nadzieja na toje, što jana budzie paŭnacennym dziciem. Atrymanyja srodki pojduć na lačeńnie.

Valancinki kaštujuć ad 20 da 250 tysiač rubloŭ. Patraciŭšy nievialikija hrošy, vy dajacie nadzieju siamji Klaviec, što jany pačujuć śmiech, kroki svajho dziciaci.

Ad 1 da 19 studzienia ad prodažu valancinak atrymanyja try miljony 75 tysiač rubloŭ.

Akcyja doŭžycca da Dnia zakachanych – 14 lutaha.

Svaju dapamohu, dabračynnuju łatareju, pa zbory srodkaŭ na lačeńnie Hannački prapanavała majstrycha Alena Kirušenkava. Pryz – biaspłatny pašyŭ imiannoj raściažki z šaści litar. Kab udzielničać u łatarei, treba pieravieści dziesiać tysiač na luby z rachunkaŭ Hanny Klaviec, vybrać luby numar bilecika (ad 1 da 50), u kamientarach pad zapisam prymacavać fota kvitka z apłataj.

Inšyja sposaby, jakimi vy možacie pieraličyć hrošy:

1. Praz bank.

AAT «AAB Biełarusbank» filijał №423 AAT»AAB Biełarusbank» – h. Smarhoń, vuł. Savieckaja, 3-b. UNP 500228845; MFO 152101504:

– biełaruskija rubli – tranzitny rachunak №3819382112456 na dabračynny rachunak №000000031.

– dołary ZŠA – tranzitny rachunak №3819382112498 na dabračynny rachunak №8400000000048.

– jeŭra – tranzitny rachunak №3819382112498 na dabračynny rachunak №9780000000005.

Pryznačeńnie płaciažu: zaličeńnie na dabračynny rachunak na imia Klaviec Terezy Hienadzieŭny na lačeńnie Klaviec Hanny Vitaljeŭny.

2. Papoŭnić bałans telefona MTS (dla žycharoŭ Biełarusi) +375-33-37-39-135 (numar MTS, zarehistravany na imia Tarezy Klaviec).

3. Pieraličyć na kartku Biełarusbanka №9112 0001 5331 8080 termin dziejańnia da 4.2020.

4. Paštovym pieravodam.

Adras: 231041, Respublika Biełaruś, Hrodzienskaja vobł., h. Smarhoń, vuł. Traktarnaja, d. 34, kv. 36. Klaviec Tereza Hienadzieŭna.

Chvaroba dała pra siabie znać praz dva tydni paśla naradžeńnia

Dvuchhadovaja Hannačka Klaviec naradziłasia ŭ termin – 1 śniežnia 2013 hoda. Rody prajšli dobra, dziaŭčynka sama zakryčała, uziała hrudzi.

Adnak pry rodach nie nadali naležnaj uvahi sapraŭdnamu vuzłu pupaviny. Vypisali mamu (Terezu Klaviec) z dačuškaj na piatyja sutki, jak i ŭsich zdarovych dziaciej. I usio b było dobra, kab praz dva tydni ŭ dziaŭčynki nie źjavilisia padryhvańni i skručvańni.

Maładaja mama źviarnułasia ŭ Minsk u pryvatny centr, dasłała videa, na jakim bačny stan dački. U centry zrabili ultrahukavuju dyjahnostyku hałavy. Nieŭrołah skazała, što Hannačka – hipieraktyŭnaje dzicia, z uzrostam heta projdzie, nie treba pieražyvać.

Praz dva dni ŭsio na samoj spravie skončyłasia. Ale praź miesiac Tereza Klaviec zaŭvažyła, što dzicia nie raźvivajecca narmalna. U žančyny jość syn, tamu jana moža paraŭnoŭvać.

Daktary pamylilisia ŭ dyjahnazie

U Smarhonskim rajonie nie było nieŭrołaha, tamu žančyna paprasiła nakiravańnie ŭ minski centr, dzie maci i dzicia adrazu špitalizavali sa słovami «vielmi ciažkaje dzicia». Tam dzicia zachvareła na branchit, tamu lačeńnie adkłali na miesiac. U kancy sakavika śpiecyjalisty znoŭ ahledzieli Hannačku i pastavili dyjahnaz – zatrymka psichamatornaha raźvićcia z sudarhavym sindromam ŭ formie prystupaŭ.

Akazvajecca heta byli nie prosta patorhvańni hipieraktyŭnaha dziciaci, a kurčy, pryčym u samaj składanaj formie, jakija i pakinuli vialiki adbitak na raźvićci Aniuty. Na siońniašni dzień kurčaŭ niama, ale chvaroba nie adstupaje.

U dziesiać miesiacaŭ dziaŭčyncy vydali paśviedčańnie invalida

Adnak siamja nie hublaje nadzieju na toje, što ich dačka budzie paŭnacennym dziciem, sprabuje mahčymyja sposaby lačeńnia. Hannačka prachodzić aktyŭnaje lačeńnie: masaž, lačebnaja fizkultura, leki.

Adnak niahledziačy na ŭsie vysiłki, Hanna nie raźvivajecca jak zvyčajnaje dzicia: nie siadzić, nie poŭzaje, nie chodzić, niaŭpeŭniena trymaje hałoŭku, nie hulaje z cackami.

Dziaŭčynka dobra reahuje na reabilitacyju, kožny kurs – heta mahčymaść zrabić krok u raźvićci.

Ciapier siamja źbiraje hrošy na pajezdku ŭ Čechiju. Tam pracujuć śpiecyjalisty, jakija mohuć dapamahčy ŭ lačeńni chvaroby.

Srodki na reabilitacyju Hanny Klaviec źbirajuć da 10 sakavika 2016 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?