Niekalki tysiač čałaviek vyjšli na akcyju pratestu ŭ centry Kišyniova. Jak pieradaje karespandent TASS ź miesca padziej, pratestoŭcy zabłakavali budynak parłamienta, mitynhoŭcy praciahvajuć prybyvać.

Pavodle acenak palicyi, u akcyi biaruć udzieł 10 tysiač čałaviek. Jany patrabujuć anulavańnia ŭčorašniaha hałasavańnia pa zaćviardžeńni ŭrada, rospusku parłamienta i pryznačeńnia daty daterminovych vybaraŭ.

Ludzi pradstaŭlajuć pravuju «Hramadzianskuju płatformu DA», a taksama levyja «Partyju sacyjalistaŭ» i «Našu partyju».

Pratestoŭcy trymajuć dziaržaŭnyja ściahi Małdovy i skandujuć «Daterminovyja vybary!», «Dałoŭ parłamient!», «Nie ŭradu aliharchaŭ!», «Bandytaŭ — u turmu!».

U centry małdaŭskaj stalicy ŭzmocnieny miery biaśpieki.

Biesparadki la budynka parłamienta pačalisia ŭviečary 20 studzienia. Pryčynaj stała zaćviardžeńnie deputatami novaha składu ŭrada i prapanavanaj kabinietam ministraŭ prahramy. Pratestoŭcy prarvali palicejski kardon i ŭvarvalisia ŭ budynak.

***

Palityčny kryzis u Małdovie praciahvajecca ŭžo niekalki miesiacaŭ. U kastryčniku minułaha hoda premjer-ministr Valeryj Stralec byŭ adpraŭleny ŭ adstaŭku paśla taho jak hałoŭnyja apazicyjnyja partyi vykazali jamu votum niedavieru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?