Kala pasolstva Rasii ŭ Kabule siońnia prahrymieŭ vybuch. Zahinuli pa mienšaj miery 4 čałavieki, jašče 23 atrymali ranieńni. Pra heta, jak paviedamiła ahienctva Pažvok, zajaviŭ aficyjny pradstaŭnik afhanskaha MUS Siedzik Siedziki.

Nacyjanalnaść zahinułych i paciarpiełych nie ŭdakładniajecca.

Nichto z supracoŭnikaŭ rasiejskaha pasolstva nie paciarpieŭ, paviedamiła TASS dypłamatyčnaja krynica. «Pavodle papiaredniaj infarmacyi, byŭ padarvany aŭtobus ź dziaržsłužačymi (Afhanistana)», — skazaŭ surazmoŭca.

Jak paviedamiła ahienctva Toła-ńjus, nasuprać budynka rasijskaha dyppradstaŭnictva byŭ padarvany zaminiravany aŭtamabil. Na miesca zdareńnia prybyli supracoŭniki palicyi, chutkaj dapamohi, a taksama pažarnyja, jakija sprabujuć patušyć pažar.

Ni adna z hrupovak pakul nie ŭziała na siabie adkaznaść za terakt.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?