Bajeviki ekstremisckaj hrupoŭki «Isłamskaja dziaržava» razburyli staražytny chryścijanski manastyr śviatoha Illi (Dejr Mar Ilija), raźmieščany kala horada Masuł.

Pra razbureńni śviedčać spadarožnikavyja zdymki hetaha rajona.

Manastyr śviatoha Illi, zasnavany ŭ 14 stahodździ, ličyŭsia najstaražytnym z chryścijanskich manastyroŭ, jakija zachavalisia ŭ Iraku.

Na dumku ekśpiertaŭ, bajeviki ID źniščyli manastyr jašče ŭletku 2014 hoda, adnak znajści paćvierdžańni hetamu ŭdałosia tolki ciapier.

Ekśpierty kažuć, što maštaby razbureńniaŭ śviedčać pra źniščeńnie manastyra z dapamohaj buldozieraŭ abo vybuchaŭ.

Bajeviki «Isłamskaj dziaržavy», jak praviła, źniščajuć chryścijanskija chramy i manastyry na terytoryjach, jakija pierachodziać pad ich kantrol.

Letam minułaha hoda džychadzisty buldozieram źnieśli chryścijanski manastyr u nievialikim horadzie El-Karjatejn u pravincyi Choms na paŭnočnym zachadzie Siryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?