Žychar Baranavičaŭ abvinavačvajecca ŭ naŭmysnym zaražeńni VIČ-infiekcyjaj inšaha čałavieka, paviedamili ŭ adździele infarmacyi i suviazi z hramadskaściu Śledčaha kamiteta.

Kryminalnaja sprava pa art.157 KK (zaražeńnie virusam imunadeficytu čałavieka) raspačata Baranavickim mižrajonnym adździełam Śledčaha kamiteta. U dačynieńni da 28-hadovaha miascovaha žychara abranaja miera strymańnia ŭ vyhladzie zaklučeńnia pad vartu. U jakaści paciarpiełaj pa spravie pakul prachodzić adna žančyna — žonka padazravanaha, jakaja i napisała zajavu ŭ milicyju.

Pa dadzienych śledstva, haradžanin viedaŭ pra svaju chvarobu i davaŭ raśpisku ab tym, što budzie papiaredžvać pra heta svaich seksualnych partniorak, ale nie rabiŭ hetaha. Kolki čałaviek jon zaraziŭ, pakul nie vyśvietlena. Mužčynie pahražaje ad 2 da 7 hadoŭ pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?