artykuł abnoŭleny pa stanie na 1 maja 2019 hoda.

* * *

Kožny ułaśnik katedža ŭ Drazdach, elitnym pasiołku na ŭskrajku Minska, moža ličyć siabie dalaravym miljanieram.

Navat za niahiehłyja damy tut prosiać amal pa paŭtara miljona. Zrazumieła, siońnia za takija hrošy katedž nie pradasi, heta iluzija. Ale navat kali skinuć canu da $1 miljona, atrymlivajecca zajmalnaja aryfmietyka.

Na praciahu apošniaha dziesiacihodździa ŭčastki dla budaŭnictva katedžaŭ u Drazdach, susiedniaj Vieśnincy i za «Minsk-Arenaj» atrymali bolš za 100 pradstaŭnikoŭ łukašenkaŭskaj elity.

Pieršyja katedžy budavalisia centralizavana, a haspadary raspłačvalisia kredytnymi hrašyma. Ciapier zvyčajna abychodziacca svaimi siłami. Budaŭniki aceńvajuć realnyja ŭkładańni ŭ taki dom jak $40—200 tysiač, nie bolš — z ulikam taho što ŭsia infrastruktura tut užo była. Značyć, u kožnaha z sotni namienkłatury i nabližanych asobaŭ čystaha prybytku pryblizna na $1 miljon.

A ahulny ich prybytak tady — $100 miljonaŭ. Chto ž hetyja ludzi, paimienna? Śpis, jaki drukuje «Naša Niva» — adzin z najvažniejnych dakumientaŭ našaj epochi.

Adarvanaść namienkłatury ad prostych ludziej možna nazirać i ŭ mientalnym (zhadaj zajavu ministra pracy Maryjany Ščotkinaj), i ŭ terytaryjalnym płanie.

Hienieralny prakuror Alaksandr Kaniuk (jon taksama ŭ hetym śpisie), ličyć što hramadstvu «nieetyčna» viedać pra dabrabyt čynoŭnikaŭ. Ale heta nie tak.

Pavodle Kanstytucyi, adzinaj krynicaj dziaržaŭnaj ułady ŭ Biełarusi źjaŭlajecca narod. Usie ministry i prakurory — prosta naniatyja na pracu časovyja mieniedžary. Miž tym rašeńni pra vydzialeńni ziamli ŭ abychod zakanadaŭstva nie publikujucca na Nacyjanalnym pravavym partale. 

«Katedž u Drazdach» možna nazvać jak zaŭhodna — pryvilej, bonus. Ale pieradusim heta płata za łajalnaść. Nichto z sotni ni razu nie vystupiŭ z publičnaj krytykaj Alaksandra Łukašenki.

  1. Abielskaja Iryna — kiraŭnica Respublikanskaha kliničnaha miedycynskaha centra
  2. Ahiejeŭ Alaksandr — u svoj čas ministr enierhietyki
  3. Azaranka Viktoryja — tenisistka
  4. Alšeŭski Viktar — mastak
  5. Ałymaŭ Juryj — u svoj čas namieśnik staršyni Nacbanka
  6. Andrejčanka Uładzimir — staršynia pałaty pradstaŭnikoŭ
  7. Anfimaŭ Leanid — staršynia Dziaržkantrolu
  8. Bambiza Ivan — u svoj čas vice-premjer
  9. Bandarčuk Taćciana — u svoj čas dyrektarka «Biełdziaržcyrka»
  10. Bardziuža Mikałaj — u svoj čas hienieralny sakratar ADKB, hramadzianin Rasii
  11. Baroŭski Alaksandr — u svoj čas kiraŭnik «Biełnaftachima»
  12. Batura Barys — u svoj čas staršynia Minabłvykankama
  13. Bułyhin Siarhiej — pieršy namieśnik kiraŭnika fiederacyi bijatłona
  14. Vakulčyk Valeryj — staršynia KDB
  15. Vasilevič Ryhor — u svoj čas hienieralny prakuror
  16. Vaščanka Uładzimir — ministr pa nadzvyčajnych situacyjach
  17. Hałavanaŭ Viktar — u svoj čas ministr justycyi
  18. Hierasimienia Alaksandra — pryziorka Alimpijskich hulniaŭ
  19. Hryšyn Alaksiej — alimpijski čempijon
  20. Husaraŭ Anatol — hienieralny dyrektar «Biełavija»
  21. Davydźka Hienadź — kiraŭnik «Biełaj Rusi»
  22. Daščynski Dźmitryj — pryzior Alimpijskich hulniaŭ
  23. Dražyn Uładzimir — u svoj čas vice-premjer
  24. Jermakova Nadzieja (dva ŭčastki) — u svoj čas staršynia Nacbanka
  25. Jeryn Leanid — u svoj čas staršynia KDB
  26. Žylin Ihar — u svoj čas kiraŭnik «Biełnaftachima»
  27. Zajcaŭ Vadzim — u svoj čas staršynia KDB
  28. Zaś Stanisłaŭ — sakratar Rady biaśpieki
  29. Zacharaŭ Michaił — chakiejny trenier
  30. Zinkievič Uładzimir — mastak
  31. Zinoŭski Uładzimir — u svoj čas ministr ekanomiki
  32. Ivanoŭ Valeryj — u svoj čas vice-premjer
  33. Ivančanka Mikałaj — u svoj čas namieśnik kiraŭnika Administracyi prezidenta
  34. Kabiakoŭ Andrej — u svoj čas premjer-ministr
  35. Kaduška Mikałaj — u svoj čas namieśnik staršyni Nacbanka
  36. Kazijatka Juryj — u svoj čas kiraŭnik «Staličnaha telebačańnia»
  37. Kałaŭr Pavieł — staršynia Nacbanka
  38. Kalinin Anatol — u svoj čas vice-premjer
  39. Kamiankoŭ Viktar — u svoj čas staršynia Vyšejšaha haspadarčaha suda
  40. Kanaploŭ Uładzimir — u svoj čas staršynia pałaty pradstaŭnikoŭ
  41. Kaniuk Alaksandr — hienieralny prakuror
  42. Kačanava Natalla — kiraŭnica Administracyi prezidenta
  43. Kisiel Ryhor — u svoj čas kiraŭnik ANT
  44. Korbut Mikałaj Mikałajevič — u svoj čas kiraŭnik spravaŭ prezidenta
  45. Kosiniec Alaksandr — u svoj čas kiraŭnik Administracyi prezidenta
  46. Kudraviec Alena — dyrektar «Biełaruskaj kalijnaj kampanii»
  47. Kulašoŭ Anatol — u svoj čas ministr unutranych spraŭ
  48. Kušnir Anton — alimpijski čempijon
  49. Kuračkin Hienadź — u svoj čas ministr architektury i budaŭnictva
  50. Ładućka Mikałaj — u svoj čas staršynia Minharvykankama
  51. Łatypaŭ Urał — u svoj čas kiraŭnik Administracyi prezidenta
  52. Laparskaja Iryna — trenierka pa mastackaj himnastycy
  53. Łuzhin Mikałaj — u svoj čas namieśnik staršyni Nacbanka
  54. Makiej Uładzimir — ministr zamiežnych spraŭ
  55. Malcaŭ Leanid — u svoj čas staršynia Pamiežnaha kamiteta i sakratar Rady biaśpieki
  56. Martynaŭ Siarhiej — u svoj čas ministr zamiežnych spraŭ
  57. Maskievič Siarhiej — u svoj čas ministr adukacyi
  58. Matusievič Michaił — u svoj čas vice-śpikier savieta respubliki
  59. Maciušeŭski Vasil — u svoj čas pieršy vice-premjer
  60. Michnievič Natalla — pryzior Alimpijskich hulniaŭ
  61. Mickievič Valeryj — namieśnik kiraŭnika Administracyi prezidenta
  62. Miaśnikovič Michaił — śpikier savieta respubliki
  63. Navicki Aleh — kasmanaŭt
  64. Navicki Hienadź — u svoj čas premjer-ministr
  65. Naskievič Ivan — staršynia Śledčaha kamiteta
  66. Navumaŭ Uładzimir — u svoj čas ministr unutranych spraŭ
  67. Niavyhłas Hienadź — u svoj čas kiraŭnik Administracyi prezidenta
  68. Papkoŭ Alaksandr — u svoj čas vice-premjer
  69. Papoŭ Vadzim — u svoj čas staršynia pałaty pradstaŭnikoŭ
  70. Patupčyk Uładzimir — u svoj čas ministr enierhietyki
  71. Paŭłaŭ Michaił (pamior) — u svoj čas staršynia Minharvykankama
  72. Paŭłoŭski Alaksandr — u svoj čas staršynia Pamiežnaha kamiteta
  73. Poŭny Fiodar — śviatar
  74. Prakapovič Piatro (dva ŭčastki) — u svoj čas vice-premjer, staršynia Nacbanka
  75. Pralaskoŭski Aleh — u svoj čas ministr infarmacyi
  76. Piatkievič Natalla — u svoj čas namieśnica kiraŭnika Administracyi prezidenta
  77. Radźkoŭ Alaksandr — u svoj čas pamočnik prezidenta, namieśnik kiraŭnika Administracyi prezidenta
  78. Rakaviec Alaksandr — bankir
  79. Rapota Hryhoryj — dziaržaŭny sakratar sajuznaj dziaržavy, hramadzianin Rasii
  80. Račkoŭski Ihar — u svoj čas staršynia Dziaržaŭnaha pamiežnaha kamiteta
  81. Rumas Siarhiej — premjer-ministr
  82. Rumo Aleh — doktar
  83. Rusy Michaił — u svoj čas vice-premjer
  84. Rusiecki Anatol — u svoj čas kiraŭnik Nacyjanalnaj akademii navuk
  85. Rybakoŭ Valancin — namieśnik ministra zamiežnych spraŭ, u svoj čas pamočnik prezidenta
  86. Sielaźnioŭ Alaksandr — u svoj čas ministr architektury i budaŭnictva
  87. Sidorski Siarhiej — u svoj čas premjer-ministr
  88. Sukała Valancin — staršynia Viarchoŭnaha suda
  89. Sucharenka Ściapan — u svoj čas staršynia KDB
  90. Siamaška Uładzimir — u svoj čas vice-premjer
  91. Siańko Uładzimir — u svoj čas namieśnik staršyni Nacbanka
  92. Tapuzidzis Pavieł — biznesmien
  93. Taŭpianiec Eduard — u svoj čas pieršy namieśnik ministra enierhietyki
  94. Tkačoŭ Siarhiej — u svoj čas pamočnik prezidenta
  95. Tozik Anatol — u svoj čas vice-premjer
  96. Uciuryn Andrej — u svoj čas namieśnik dziaržaŭnaha sakratara Rady biaśpieki
  97. Fiedarcoŭ Alaksandr — u svoj čas pieršy namieśnik staršyni Viarchoŭnaha suda
  98. Charkaviec Andrej (pamior) — u svoj čas ministr finansaŭ
  99. Całko Uładzimir — u svoj čas ministr pryrodnych resursaŭ
  100. Ciacieryn Siarhiej — tenisny trenier
  101. Čyž Juryj — biznesmien
  102. Šajeŭ Valancin — u svoj čas staršynia Śledčaha kamiteta
  103. Šakucin Alaksandr — biznesmien
  104. Šaŭcoŭ Viktar — biznesmien
  105. Švied Andrej — staršynia Dziaržaŭnaha kamiteta sudovych ekśpiertyz
  106. Špileŭski Alaksandr — u svoj čas staršynia mytnaha kamiteta
  107. Šunievič Ihar — ministr unutranych spraŭ
  108. Šejman Viktar — kiraŭnik spravaŭ prezidenta
  109. Šepiel Aleh — staršynia Paralimpijskaha kamiteta
  110. Ščotkina Marjana — vice-śpikier Savieta respubliki
  111. Jakabson Alaksandr — u svoj čas kiraŭnik Dziaržkantrolu
  112. Jarmolenka Anatol — śpiavak
  113. Jarmošyna Lidzija — staršynia Centralnaj vybarčaj kamisii.

Aproč taho, ministr achovy zdaroŭja Vasil Žarko, namieśnik kiraŭnika Administracyi prezidenta Mikałaj Snapkoŭ i staršynia pałaty pradstaŭnikoŭ Uładzimir Andrejčanka zajmieli ŭ Drazdach vializnyja kvatery, jakija nie traplali ŭ ahulny prodaž.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?