Malaryjny kamar. Fota: Centers for Disease Control and Prevention's Public Health Image Library

Malaryjny kamar. Fota: Centers for Disease Control and Prevention's Public Health Image Library

Linus Apsan, vice-prezident Google z kamandy Chrome raspavioŭ pra płany ab stvareńni hienietyčna-madyfikavanych kamaroŭ dla ratavańnia čałaviectva ad malaryi, pieradaje The Information.

Rearhanizacyja Google u Alphabet dazvolić u miežach novaha chołdynhu zaniacca prajektami, što pryniasuć prybytak niachutka. Adnym z takich, miarkuje Apsan, maje stać «kamar-zabojca kamaroŭ».

Jon prapanuje stvaryć u Alphabet padraździaleńnie, što zojmiecca hienietyčnymi daśledavańniami i vyviedzie asablivy vid kamaroŭ. Samcy takich kamaroŭ buduć vyhladać zdarovymi, ale ad ich samki buduć davać naščadkaŭ z mutacyjaj, što zabje ich da taho, jak jany zmohuć zarazić ludziej chvarobaj.

Takim čynam, jak pakazali raniejšyja ekśpierymienty, možna skaracić papulacyju kamaroŭ, što pieranosiać malaryju i lichamanku denhie, na 95%, a značyć, ratavać bolš za miljon žyćciaŭ štohod.

Apsan choča realizavać prajekt mienavita ŭ IT-kampanii, bo takija majuć dastatkova finansaŭ i materyjalnych resursaŭ, mohuć sabie dazvolić prajekty ź niachutkaj finansavaj addačaj. Rearhanizacyja Google u Alphabet jakraz dazvoliła adździalić prybytkovyja prajekty ad pierśpiektyŭnych daśledavańniaŭ i doŭhaterminovych inviestycyj.

Inviestavańni ŭ padobnyja prajekty rehularna robić zasnavalnik Microsoft i samy bahaty čałaviek płaniety Bił Hiejts. Kamaroŭ jon nazyvaje «samymi niebiaśpiečnymi istotami na Ziamli».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?