VIČ. Vyjava: CDC/ C. Goldsmith

VIČ. Vyjava: CDC/ C. Goldsmith

Virusołahi z univiersiteta Kalifornii (ZŠA) zdoleli «abudzić» i «vyhnać» virus imunadeficytu čałavieka z dapamohaj lekaŭ ad raku i mužčynskaha kantraceptyvu, pra što raspaviali ŭ PLOS Pathogens.

VIČ možna pieramahčy da taho, jak jon «zasiadzie» ŭ kletkach, ci, kali ŭžo «zasieŭ», «vyhnać» virus z kletak i ŭdaryć pa im «šokavaj terapijaj». Kalifarnijskaja mietodyka vyrašaje pałovu prablemy: virus navučylisia efiektyŭna «vyhaniać» užo isnymi srodkami.

Sučasnaja kambinavanaja antyretravirusnaja terapija (HAART) moža padavić niekatoryja etapy razmnažeńnia virusu, ale nie źniščyć jaho — toj zastajecca ŭ arhaniźmie i čakaje, pakul pacyjent pierastanie prymać leki.

Z takoj «śpiački» virus treba «prabudzić», kab dalej mieć mahčymaść źniščyć. Kambinacyja isnych (i dazvolenych Suśvietnaj arhanizacyjaj achovy zdaroŭja) preparata ad raku PEP005 i mužčynskaha kantraceptyvu JQ1 jakraz zapuskaje asablivyja sihnalnyja łancuhi ŭ zaražanych kletkach, što «kamandujuć» virusu «abudžacca». 

Zastajecca znajści srodak dla źniščeńnia «vyhnanaha» virusu i pravieści testy kambinacyi srodkaŭ na prymatach i, u vypadku pośpiechu, na ludziach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?