Tut i nižej fota: A. Navumčyk via Onliner.by

Tut i nižej fota: A. Navumčyk via Onliner.by

Biełaruski mastak i vizualny artyst Alaksandr Michałovič pravioŭ pikiety kala hipiermarkieta ŭ Biełaj-Padlašskaj (Polšča) i na polska-biełaruskaj miažy, a zatym i kala polskaha Ministerstva zamiežnych spraŭ u Varšavie, raspaviadaje Onliner.by. Asablivaściu pikietaŭ stała pałova mašyny.

Aŭtar choča źviarnuć uvahu na žyćciovuju prablemu: maŭlaŭ, «biełarusy — sanitary Jeŭropy, jakija vyvoziać niepatrebnyja ES tavary i pry hetym sutykajucca z prablemami ŭ atrymańni vizaŭ».

Jon ličyć, što vizity biełarusaŭ «na zakupy» ŭ Jeŭropu patrebnyja jeŭrapiejcam nie mienš, čym biełarusam, jakim prychodzicca stajać u čerhach pa vizy, a časam i atrymlivać štrafy. Ale bolš jaho turbuje toje, što metaj pajezdak biełarusaŭ u Jeŭropu čaściej stanovicca spažyvańnie, a nie adukacyja, historyja, mastactva ci prosta vandroŭki.

Mašynu dla instalacyi Alaksandr nabyŭ u Polščy, raśpiłavaŭ ź siabrami za paŭtara dnia. Zamacavaŭ koły tak, kab paŭmašyny možna było kacić. Zatym načyniŭ maniekienami i typovymi zakupami biełarusaŭ.

Pavodle jaho słoŭ, palaki la hipiermarkieta cikavilisia akcyjaj, a biełarusy chmurylisia i adychodzili ŭ bok. Reakcyja mytnikaŭ była padobnaj da apošnich. Pad MZS achoŭnik patrabavaŭ prybrać aŭto («A jak ja jaje mahu prybrać? Zamiest ruchavika — pampiersy», — adkazvaŭ mastak) i vyklikaŭ palicyju, ale štrafavać aŭtara nie stali.

Ciapier Alaksandr pakinuŭ paŭmašyny ŭ Polščy (pra los druhoj pałovy nie paviedamlajecca), ale choča vystavić instalacyju «sanitaraŭ Jeŭropy» ŭ halerejnaj prastory Polščy ci Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?