Antycykłon, dziakujučy jakomu ŭ minułyja vychodnyja ŭstalavałasia haračaje nadvorje z tempieraturnym fonam u asnoŭnym na 2—8 hradusy vyšej za klimatyčnuju normu, pastupova razburajecca.

Jak paviedamiła TUT.BY pradstaŭnik Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Ludmiła Paraščuk, z Zachodniaj Jeŭropy da nas pačynajuć pieramiaščacca atmaśfiernyja franty, što zabiaśpiečyć niaŭstojlivy charaktar nadvorja.

Pavodle słoŭ śpiecyjalista, u druhoj pałovie tydnia atmaśfiernyja franty vycieśniać śpioku za miežy krainy i z paŭnočna-zachodnimi viatrami da nas skirujecca chaładnavataje pavietra sa Skandynavii, tempieraturny fon panizicca i da kanca tydnia budzie na 1—3 hradusy nižej za klimatyčnuju normu.

U aŭtorak, 7 lipienia, nočču na bolšaj častcy terytoryi projduć karotkačasovyja daždžy, navalnicy. Dniom pieravažna biez apadkaŭ, tolki ŭ paŭnočnych rajonach mahčymy nievialiki doždž. Pry navalnicach miescami škvalistaje ŭzmacnieńnie vietru paryvami da 15-20 m/s. Tempieratura pavietra minimalnaja nočču +14 + 21°S, maksimalnaja dniom ad + 22°S pa poŭnačy da + 29°S pa poŭdni krainy.

8 lipienia nočču pieravažna biez apadkaŭ, dniom u zachodnich i centralnych rajonach karotkačasovyja daždžy, miescami navalnicy, mahčymy hrad. Pry navalnicach uzmacnieńnie vietru paryvami da 15-20 m/s. Tempieratura pavietra minimalnaja nočču +12 + 19°S, maksimalnaja dniom 28 + 34°S, pa poŭdni miescami 35 + 36°S, pa poŭnačy 25 + 27°S.

Z čaćviarha tempieratura pačnie panižacca.

Na bolšaj častcy terytoryi krainy čakajucca karotkačasovyja daždžy, nočču i ranicaj u paŭnočna-ŭschodnich rajonach miescami mocnyja daždžy. U asobnych rajonach navalnicy. Dniom pa zachadzie ŭzmacnieńnie vietru paryvami da 15—18 m/s. Tempieratura pavietra minimalnaja nočču 15 + 22°S, maksimalnaja dniom +20 + 27°S.

U piatnicu nočču miescami, dniom na bolšaj častcy terytoryi karotkačasovyja daždžy. Dniom u asobnych rajonach navalnicy. Tempieratura pavietra minimalnaja nočču 9 + 15°S, maksimalnaja dniom 15 + 22°S.

Vychodnyja taksama abiacajuć być daždžlivymi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?