Prezident RF Uładzimir Pucin daručyŭ pravieści z Ukrainaj pieramovy ab praciahu tranzitu rasijskaha hazu praz hetuju krainu paśla 2019 hoda.
Pra heta paviedamiŭ kiraŭnik «Hazproma» Alaksiej Miler na vynikovaj pres-kanfierencyi.
Jon padkreśliŭ, što «Hazprom» nie admaŭlajecca ad hetych pieramovaŭ, ale jaho nie zadavalniajuć umovy tranzitu rasijskaha hazu.
«My nikoli nie padpišam kantrakt na niavyhadnych, niespraviadlivych, nieprymalnych dla nas umovach kantraktu na tranzit», — skazaŭ Miler.
Jon adznačyŭ, što «Naftahaz» choča pavysić staŭku tranzitu ź ciapierašnich $2,7 da $5 za tysiaču kubamietraŭ na 100 km.
Raniej namieśnik staršyni praŭleńnia «Hazproma» Alaksandr Miadźviedzieŭ zajaviŭ, što paśla zakančeńnia tranzitnaha kantraktu z Ukrainaj u 2019 hodzie ni padaŭžeńnia, ni zaklučeńnia novaha kantraktu nie budzie ni pry jakich abstavinach.
