U Jerevanie praśpiekt Bahramiana ŭžo 100 hadzin znachodzicca ŭ abłozie: udzielniki pratestnaj akcyi suprać pavyšeńnia taryfu na elektraenierhiju roŭna 4 dni tamu šeściem rušyli da praśpiekta Bahramiana i da siońniašniaha dnia pravodziać tam siadziačy pikiet.

Na dadzieny momant praśpiekt Bahramiana znoŭ šmatludny: usio novyja hrupy ludziej dałučajucca da demanstrantaŭ. Užo try dni, jak palicyja nie pradprymaje sprobaŭ prymianieńnia siły.

Za hetyja dni siadziačy pikiet samaarhanizavaŭsia, byli vyrašanyja pytańni charčavańnia, adzieńnia, uborki śmiećcia. U chodzie pratestnaj akcyi na praśpiekt Bahramiana prychodziać viadomyja akciory, palityčnyja dziejačy, pradstaŭniki intelihiencyi.

Adznačym, što, niahledziačy na šmatlikija pratesty, 17 červienia Kamisija pa rehulavańni hramadskich pasłuh respubliki zaćvierdziła pavyšeńnie taryfu na elektraenierhiju na 6.93 drama, davioŭšy jaho da 48.78 drama (kala $10,3).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?