Ministerstva achovy zdaroŭja zabaraniła pavyšeńnie cen na płatnyja miedycynskija pasłuhi. Heta vynikaje ź lista namieśnika ministra achovy zdaroŭja Viačasłava Šyły, apublikavanaha ŭ śviežym numary časopisa «Miedicinskij viestnik».
«Dla zabieśpiačeńnia stabilizacyi cen na płatnyja miedpasłuhi i z ulikam ich sacyjalnaj značnaści Ministerstva achovy zdaroŭja daručyła: subjektam haspadarańnia ŭsich form ułasnaści zabiaśpiečyć vykanańnie maratoryja na pavyšeńnie cen (taryfaŭ) na płatnyja miedpasłuhi da atrymańnia dadatkovaha rasparadžeńnia; načalnikam (hałoŭnaha) UAZ abłvykankamaŭ, staršyni kamiteta pa achovie zdaroŭja Minharvykankama arhanizavać dakładnuju sistemu kantrolu ŭ rehijonach za źmienaj uzroŭniu cen na płatnyja miedpasłuhi, jakija akazvajucca jurydyčnymi asobami i indyvidualnymi pradprymalnikami ŭsich form ułasnaści», — havorycca ŭ liście.
Pry vyjaŭleńni vypadkaŭ pavyšeńnia cen na płatnyja miedpasłuhi daručana «ŭnosić va ŭstanoŭlenym paradku prapanovy pa pryniaćci mier adkaznaści da kiraŭnikoŭ, jakija dapuścili ich rost».
Načalnikam upraŭleńniaŭ achovy zdaroŭja abłvykankamaŭ, staršyni kamiteta pa achovie zdaroŭja Minharvykankama daručana «infarmavać Ministerstva achovy zdaroŭja ab vykanańni hetaha daručeńnia nie paźniej za 10-ty dzień kožnaha miesiaca da asablivaha rasparadžeńnia».
Pavodle źviestak aficyjnaj statystyki, taryfy na płatnyja miedycynskija pasłuhi ŭ mai 2015 hoda ŭ paraŭnańni z krasavikom vyraśli na 1,9%, z pačatku hoda — na 4,5%, za hod — na 19,4%.
