Na miescy katastrofy. Fota: Zurab Džavachadze, ITAR-TASS

Na miescy katastrofy. Fota: Zurab Džavachadze, ITAR-TASS

Rasija ličyć niesvaječasovaj i kontrpraduktyŭnaj ideju mižnarodnaha trybunału pa katastrofie małazijskaha samalota ŭ niebie nad Ukrainaj, pieradaje RIA «Novosti» zajavu namieśnika ministra zamiežnych spraŭ Rasii Hienadzia Haciłava.

«My ž viedajem, što jana (ideja trybunału — NN) niasvoječasovaja i kontrpraduktyŭnaja. Ciapier nieabchodna dačakacca zaviaršeńnia rasśledavańnia, a nie prymać paśpiešlivych rezalucyj pra sklikańnie trybunałaŭ», — skazaŭ Haciłaŭ.

Na pytańnie pra toje, jak jon stavicca da idei trybunału, namieśnik ministra najpierš adkazaŭ adnym słovam: «Drenna».

Trybunał pad ehidaj Rady biaśpieki AAN prapanoŭvałasia pravieści pa zaviaršeńni rasśledavańnia (mierkavana da kastryčnika). Mižnarodny trybunał ličyŭsia lepšym varyjantam za razhlad spravy ŭ nacyjanalnym sudzie adnoj z krain. Ukraina padtrymała inicyjatyvu.

***

Pasažyrski samalot Boeing 777, što lacieŭ z Amsterdama ŭ Kuała-Łumpur, byŭ źbity 17 lipienia 2014 hoda nad terytoryjaj, padkantrolnaj «DNR». Na borcie znachodzilisia 283 pasažyry i 15 čalcoŭ ekipaža, usie zahinuli. U sakaviku palicyja Niderłandaŭ apublikavała infarmacyju hrupy mižnarodnych śledčych: adna ź viersij — samalot byŭ źbity rakietaj rasijskaha kompleksu «Buk» z terytoryi, kantralavanaj sieparatystami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?