U siecivie źjavilisia fotazdymki, nibyta zroblenyja na minskim chlebazavodzie №2. Na ich vidać, jak chleb lažyć na padłozie ci prosta hnije, zvaleny ŭ kučy.
Dyrektar pradpryjemstva Śviatasłaŭ Adziniajeŭ kaža, što pra hetyja fotazdymki jon viedaje.
«Ja bačyŭ tyja foty. Heta pravakacyja. Aŭtary — dva čałavieki, škodniki, jakich my zvolnili bolš za hod tamu, i jany ŭsio nie mohuć supakoicca. My viedajem, jak ich zavuć. Darečy, raniej hetyja zdymki ŭžo źjaŭlalisia ŭ internecie. I ja nie mahu skazać, ci ŭsie jany z našaha zavoda i ci niama tam fotamantažu. Ale, u lubym vypadku, heta sihnał, što treba pavyšać dyscyplinu na vytvorčaści, i stavicca da svajoj pracy adkazna», — skazaŭ Adziniajeŭ karespandentu «Našaj Nivy».
Zdymki nasamreč nie novyja. Jašče ŭ mai jany źjavilisia na rasijskim sajcie blog.fontanka.ru. Tam havaryłasia, što ich prosta niechta dasłaŭ na poštu, a sami zdymki byli zrobleny pamiž 2012 i 2015 hadami.
Dyrektar chlebazavoda №2 zaprasiŭ žurnalistaŭ naviedać pradpryjemstva. Repartaž ab tym, jak nasamreč pracuje zavod, čakajcie na nastupnym tydni.
