Prynamsi 27 čałaviek zahinuli ŭ vyniku napadu ŭzbrojenych ludziej na papularny ŭ turystaŭ kurort Sus na ŭźbiarežžy Tunisa, paviedamili ŭ ministerstvie ŭnutranych spraŭ krainy.
Na miescy była čutnaja stralanina. Adzin z napadnikaŭ zabity, paviedamili ŭłady.
Pradstaŭnik tuniskaha MUS Muchamied Ali Arui paviedamiŭ, što siarod achviaraŭ — u asnoŭnym turysty, adnak nie ŭdakładniŭ ich nacyjanalnaści. Jak paviedamlaje ahienctva Asašyejted pres, siarod zahinułych — u asnoŭnym niemcy i brytancy.
Niekatoryja vidavočcy paviedamlali ab vybuchach, ale aficyjnaha paćvierdžańnia hetaj infarmacyi pakul niama.
U ministerstvie ŭnutranych spraŭ Tunisa paviedamili Bi-bi-si ab «terarystyčnym napadzie» i najaŭnaści achviaraŭ, adnak nie pryviali inšych padrabiaznaściej.
