U vychodnyja ŭ Biełarusi čakajecca cichaje, spakojnaje, kamfortnaje i suchoje nadvorje. Jaho budzie vyznačać pole pavyšanaha atmaśfiernaha cisku i tolki ŭ subotu pa Mahiloŭskaj vobłaści, Homielskaj vobłaści ŭnačy i ranicaj adabjecca ŭpłyŭ atmaśfiernaha frontu ad paŭdniovaha cykłonu. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.

27 červienia, u subotu, — pieravažna biez apadkaŭ, tolki nočču i ranicaj pa ŭschodzie Homielskaj i Mahiloŭskaj abłaściej daždžy, miescami navalnicy i mocnyja daždžy. U načnyja i ranišnija hadziny ŭ asobnych rajonach respubliki słaby tuman. Tempieratura pavietra minimalnaja nočču 7 + 12°S, pa paŭdniovym uschodzie 13 + 16°S; maksimalnaja dniom 17 + 23°S, pa poŭdni da + 25°S.

28 červienia, u niadzielu, nadvorje ŭ asnoŭnym nie źmienicca. Tempieratura pavietra minimalnaja nočču ad + 5°S pa paŭnočnym zachadzie da + 14°S pa paŭdniovym uschodzie, maksimalnaja dniom 18 + 25°S.

U vychadnyja ŭ stalicy pieramiennaja vobłačnaść, biez apadkaŭ. Viecier paŭnočny 4-9 m/s. Tempieratura pavietra minimalnaja nočču +9—11, maksimalnaja dniom +20—22.

U apošnija dni červienia nadvorje nie źmienicca.

U paniadziełak, 29 červienia, pieravažna biez apadkaŭ. Tempieratura pavietra minimalnaja nočču ad + 5°S pa paŭnočnym zachadzie da + 14°S pa paŭdniovym uschodzie, maksimalnaja dniom 18 + 25°S.

30 červienia, u aŭtorak, nočču pieravažna biez apadkaŭ, dniom nadvorje abumoviać małaaktyŭnyja atmaśfiernyja franty, jakija źmiaščajucca z Zachodniaj Jeŭropy i pryniasuć u asobnyja rajony krainy karotkačasovyja daždžy, mahčymy navalnicy. Tempieratura pavietra minimalnaja nočču 8 + 15°S, maksimalnaja dniom +20 — + 27°S.

Zhodna z papiarednim prahnozam, z prychodam lipienia tempieratura pačnie pastupova pavyšacca i ŭ bolšaści rajonaŭ ustalujecca haračaje nadvorje, asabliva pa paŭdniovaj pałovie Biełarusi, a daždžoŭ pa-raniejšamu budzie mała.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?