Fotapastka Falcon Eye FE-AC100 z datčykam ruchu. Fota ź biełaruskaha internet-mahazina

Fotapastka Falcon Eye FE-AC100 z datčykam ruchu. Fota ź biełaruskaha internet-mahazina

Na šaści minskich vadaschoviščach ustalavanyja fotapastki, pieradaje BIEŁTA słovy načalnika słužby pa ŭtrymańni haradskich lasoŭ, plažaŭ i MKAD Alaksandra Praminskaha.

Kamiery buduć sačyć za paradkam na Drazdach, Krynicy, Viačy, Pcičy, Cniancy i Zasłaŭskim vadaschoviščy.

Kab aŭtamabili nie zajazdžali na terytoryi vadaschoviščaŭ, słužba ŭstalavała šłahbaŭmy i abmiežavalnyja słupki. Kamiery, jakich u hetym hodzie stanie ŭdvaja bolš, zafiksujuć parušalnikaŭ. Taksama kamiery buduć nacelenyja na miescy stychijnych śmietnikaŭ.

U hetym siezonie na minskich vadaschoviščach taksama ŭstalavanyja 11 novych altanak i 13 kompleksaŭ lasnoj mebli, 51 manhał i 75 śmietnic, 57 biaspłatnych bijatualetaŭ (adzin na Cniancy — dla ludziej z abmiežavanymi mahčymaściami). Śmiećcie ź minskich plažaŭ słužba abiacaje vyvozić štodzień, a ŭ śpiakotnyja dni i pa vychodnych — dvojčy na dzień.

Słužba zapłanavała i zabieśpiačeńnie manhałaŭ na plažach drovami — pieršaja partyja budzie zaviezienaja ŭžo ŭ bližejšyja vychodnyja.

Drovy płanujecca zavozić štotydzień, ale pakul nieviadoma, ci stanie pasłuha płatnaj, raspavioŭ Praminski «Minsk-Navinam».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?