Jak raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ, na hetym tydni čakajecca vielmi niaŭstojlivaje nadvorje.
U aŭtorak, 28 krasavika, jašče zachavajecca ciopłaje nadvorje, jakoje budzie vyznačać ciopłaja niaŭstojlivaja pavietranaja masa, jakaja pastupaje z paŭdniovych šyrot: nočču pieravažna biez apadkaŭ. Dniom miescami karotkačasovyja daždžy, u asobnych rajonach navalnicy, pry navalnicach uzmacnieńnie vietru paryvami da 15-20 m/s. Tempieratura pavietra minimalnaja nočču +7 … + 13°S, maksimalnaja dniom +22 … + 27°S.
U sieradu praz našu krainu budzie prachodzić aktyŭny atmaśfierny front, jaki pryniasie na bolšuju častku terytoryi karotkačasovyja daždžy.
Ranicaj i dniom čakajucca navalnicy, hrad i mocnyja daždžy. U mnohich rajonach sinoptyki prahnazujuć uzmacnieńnie vietru z paryvami da 15-20 m/s.
Tempieratura pavietra minimalnaja nočču +8 … + 14°S, pa zachadzie 5 … + 7°S; maksimalnaja dniom ad 8°S pa zachadzie da 23°S pa ŭschodzie krainy.
Z čaćviarha ŭ krainu pačnuć pastupać chałodnyja pavietranyja masy z paŭnočnych šyrot i ŭstalujecca chaładnavataje nadvorje.
Nočču i ranicaj pa ŭschodniaj pałovie krainy projduć karotkačasovyja daždžy, miescami navalnicy, i čakajecca ŭzmacnieńnie vietru paryvami da 15-20 m/s. Dniom pieravažna biez apadkaŭ. Tempieratura pavietra minimalnaja nočču 0 … + 7°S, maksimalnaja dniom +11 … + 17°S.
Na majskija śviaty niaŭstojlivaje i chaładnavataje nadvorje zachavajecca.
1 maja budzie pieravažna biez apadkaŭ, tolki dniom u zachodnich rajonach karotkačasovyja daždžy, miescami navalnicy. Tempieratura pavietra minimalnaja nočču 0 … + 6°S, maksimalnaja dniom +12 … + 18°S.
2 maja na bolšaj častcy terytoryi karotkačasovyja daždžy, miescami navalnicy. Dniom u asobnych rajonach uzmacnieńnie vietru paryvami da 15-20 m/s. Tempieratura pavietra minimalnaja nočču +2 … + 8°S, maksimalnaja dniom 8 … + 15°S.
3 maja nočču miescami, dniom na bolšaj častcy karotkačasovyja daždžy. Dniom u asobnych rajonach uzmacnieńnie vietru paryvami da 15-18 m/s, mahčymy navalnicy. Tempieratura pavietra minimalnaja nočču 0 … + 5°S, maksimalnaja dniom 7 … + 14°S.
