Jeŭrasajuz najmaje «razburalnikaŭ lehiend» dla baraćby z rasijskaj prapahandaj. Ruskamoŭnyja supracoŭniki novaj struktury buduć adsočvać i analizavać materyjały, źviazanyja ź ES.

«Razburalniki lehiend» taksama buduć stvarać artykuły, faktałahičnyja materyjały i infahrafiku, raźvivajučy supracoŭnictva z krainami — udzielnicami prahramy «Uschodniaha partniorstva». Siarod jakich i Biełaruś.

Pakul śpiecyjalistaŭ nabirajuć tolki na hod. Heta musiać być žurnalisty, pres-sakratary ci tyja, chto pracavaŭ ŭ halinie sacyjalnych miedyjaŭ. Ich zarobak budzie składać nie mienš za 4 350 jeŭra na miesiac. Finansavać prajekt buduć asobnyja krainy ES, a nie ahulny jeŭrapiejski biudžet, piša EUObserver.

Inicyjatyva pačała isnavańnie paśla taho, jak lidary ES u sakaviku daručyli dypłamatyčnaj słužbie, «spynić rasijskuju kampaniju pa dezinfarmacyi».

Tady staršynia Jeŭrasavieta Donald Tusk zajaviŭ:

«My taksama padkreślili nieabchodnaść zrabić vyklik niaspynnaj rasijskaj kampanii pa dezinfarmacyi hramadskaści z nahody kanfliktu va Ukrainie. Vysoki pradstaŭnik padrychtuje płan dziejańniaŭ pa stratehičnaj kamunikacyi da červieńskaha samita ES».

Kramloŭski «miedyjafłahman» telekanał Russia Today maje hadavy biudžet u 300 młn dołaraŭ i 2000 supracoŭnikaŭ u 16 krainach. Prahramy tranślujucca na anhlijskaj, francuzskaj, ispanskaj i niamieckaj movach. Na hetym fonie kontrprajekt ES vyhladaje vielmi maleńkim.

Ale stvareńnie hrupy śpiecyjalistaŭ miedyjasłužby ES — tolki adzin ź niekalkich mierapryjemstvaŭ, nakiravanych suprać rasijskaj prapahandy. Adzin z aficyjnych pradstaŭnikoŭ ES adznačyŭ, «što ŭsia prahrama budzie mieć šyroki śpiektr dziejnaści, nakiravany na raźvićcio palityki kamunikacyi Jeŭrasajuza, na padtrymku niezaležnych ŚMI i papularyzacyju svabody srodkaŭ masavaj infarmacyi siarod susiednich dziaržaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?