U Biełarusi na hetym tydni čakajecca chaładnavataje, vietranaje i syroje nadvorje. Ab hetym paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«U pieršaj pałovie tydnia ŭmovy nadvorja budzie vyznačać chaładnavataja niaŭstojlivaja pavietranaja masa, jakaja pastupaje z Bałtyjskaha mora», — raskazaŭ Dźmitryj Rabaŭ.
U aŭtorak, 14 krasavika, na bolšaj častcy terytoryi projduć karotkačasovyja apadki (doždž, mahčymy mokry śnieh). Dniom miescami navalnicy. U mnohich rajonach čakajecca ŭzmacnieńnie vietru z paryvami da 15-20 m/s. Tempieratura pavietra nočču składzie ad minus 1 da plus 4 hradusaŭ, dniom - 5-11 vyšej za nul.
U sieradu na bolšaj častcy terytoryi taksama čakajucca karotkačasovyja apadki (doždž, nočču z mokrym śnieham), ranicaj i dniom pa paŭdniova-zachodniaj pałavinie ŭzmacnieńnie vietru z paryvami da 15-20 m/s. Tempieratura pavietra nočču składzie ad minus 3 da plus 4 hradusaŭ, dniom ad 5 da 10 ciapła, pa paŭdniovym zachadzie da plus 13.
Čaćvier čakajecca samym niepahodlivym dniom.
Praź Biełaruś budzie prachodzić aktyŭny atmaśfierny front, jaki pryniasie na bolšuju častku terytoryi karotkačasovyja daždžy. U mnohich rajonach čakajecca ŭzmacnieńnie vietru z paryvami da 15-20 m/s, dniom pa paŭnočnym uschodzie da 23 m/s. Tempieratura pavietra nočču plus 2-9 hradusaŭ, maksimalnaja dniom - ad 6 da 12 ciapła, pa poŭdni - da plus 16.
U kancy tydnia pačnie pastupać jašče bolš chałodnaja pavietranaja masa z paŭnočnych moraŭ.
U piatnicu, 17 krasavika, časam projduć apadki, u asnoŭnym doždž. Tempieratura pavietra nočču - ad 0 da plus 7 hradusaŭ, dniom - plus 5-12.
U vychadnyja dni nadvorje istotna nie źmienicca: časam apadki (doždž, mokry śnieh).
Tempieratura pavietra nočču składzie ad minus 3 da plus 3 hradusaŭ, maksimalnaja dniom - plus 4-10.
