Amierykanskija vajskoŭcy ličać, što nievialikija karabli pad kiravańniem štučnaha intelektu mohuć stać važnym elemientam abarony vialikich bajavych karabloŭ i ich kamand.
Bajavyja drony ŭžo vykarystoŭvajucca avijacyjaj ZŠA i inšych krain, viaduć vyviedku i nanosiać rakietna-bombavyja ŭdary pa praciŭniku. Adnak amierykanski fłot vyrašyŭ vykarystać novyja technałohii pa-svojmu.
Karabiel-dron padčas vyprabavańniaŭ.
Vučonyja i aficery ličać, što cełyja hrupy karabloŭ biez kamand možna abjadnać u kiravany kampjutarnym rozumam «roj», kab błakavać padychod padazronych sudoŭ da važnych abjektaŭ i brać ich u atačeńnie.
Ale kab karabli-robaty adkryli ahoń pa praciŭniku, dazvoł pavinien dać čałaviek.
Technałohija CARACaS (Control Architecture for Robotic Agent Command and Sensing ), jakaja budzie aŭtanomna kiravać hrupaj dronaŭ, užo prajšła testy ŭ hetym hodzie, paviedamiŭ Ofis vajenna-marskich daśledavańniaŭ Ministerstva vajennaha fłotu ZŠA.
Aficyjnaje videa Ofisa vajenna-marskich daśledavańniaŭ pra novuju technałohiju.
U kastryčniku 2000 hoda hrupa isłamistaŭ na nievialikaj łodcy, jakaja była naładavanaja vybuchoŭkaj, atakavała amierykanski eśminiec «Koŭł» pobač ź bieraham Jiemiena. Dziejučymi tady instrukcyjami amierykancam było zabaroniena adkryvać ahoń pa łodcy, jakaja nabližałasia da karabla, nie vykazvajučy jaŭna varožych namieraŭ. U vyniku zahinuła 17 amierykanskich matrosaŭ.
