photoclub.by
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 22 vieraśnia.
«Na hetym tydni nas čakaje pa-sapraŭdnamu vosieńskaje nadvorje. Z daždžami, paryvistym vietram i pastupovym panižeńniem tempieratury pavietra.
Asabliva daždžlivaj jana čakajecca ŭ pieršuju pałovu tydnia. Nadvorje buduć vyznačać aktyŭnyja atmaśfiernyja franty, śledam za jakimi pačnuć pastupać chałodnyja pavietranyja masy paŭnočnych šyrot», — zaznačyŭ Rabaŭ.
U aŭtorak na bolšaj častcy terytoryi daždžy, miescami mocnyja.
U asobnych rajonach uzmacnieńnie vietru paryvami da 15—20 m/s. Tempieratura pavietra nočču plus 7—13°S, dniom plus 11—16°S.
U Minsku vobłačna z prajaśnieńniami, časam doždž. Viecier paŭnočna-zachodni 6—11 m/s, dniom paryvy da 14 m/s. Tempieratura pavietra nočču plus 9—11°S, dniom 12—14°S.
Pačynajučy ź sierady prahnazujecca dalejšaje panižeńnie tempieratury: nočču plus 1—7°S, miescami zamarazki da 0 — minus 3°S, dniom plus 7—14°S.
U asobnych rajonach uzmacnieńnie vietru paryvami da 15—20 m/s. Miescami, pieravažna pa ŭschodniaj pałovie, karotkačasovyja daždžy.
U čaćvier miescami karotkačasovyja daždžy. Tempieratura pavietra nočču plus 1—6°S, na hlebie i miescami ŭ pavietry zamarazki da 0 — minus 3°S, dniom plus 9—15°C.
U piatnicu nočču na bolšaj častcy terytoryi, dniom miescami karotkačasovyja daždžy. Nočču i ranicaj u asobnych rajonach tuman. Tempieratura pavietra nočču plus 1—8°S, pa paŭnočnym uschodzie miescami zamarazki da 0 — minus 2°S, dniom plus 9—16°S.
«U vychadnyja ŭładu nad nadvorjem voźmie bolš ciopłaja pavietranaja masa atłantyčnaha pachodžańnia i krychu paciapleje, miescami projduć karotkačasovyja daždžy», — zaznačyŭ sinoptyk.
Nočču i ranicaj u asobnych rajonach tuman. Tempieratura pavietra nočču plus 3—10°S, na hlebie miescami zamarazki da 0 — minus 2°S, dniom plus 10—17°S, pa poŭdni da 19°S.