Taryf na kapitalny ramont žyłoha doma (600 rubloŭ za mietr), jaki ŭstanoŭleny dla nasielnictva, rezka pavyšacca nie budzie, paviedamiŭ ministr žyllova-kamunalnaj haspadarki Andrej Šorac.
Jon nahadaŭ, što ŭ metach sacyjalnaj abarony nasielnictva na zakanadaŭčym uzroŭni ŭstanoŭleny abmiežavańni, nakiravanyja na płaŭnaje pavyšeńnie taryfaŭ na žyllova-kamunalnyja pasłuhi.
Tak, zhodna z ukazam № 550 ad 5 śniežnia 2013 hoda, ustanoŭlena abmiežavańnie pa pavieličeńni taryfaŭ u 5 dołaraŭ ZŠA z nastupnaj indeksacyjaj adpaviedna rostu naminalnaj zarabotnaj płaty.
«U pieralik pasłuh, pa jakich robicca raźlik pavyšeńnia ŭ miežach 5 dołaraŭ, uvachodzić i kapitalny ramont žyllovaha fondu, tamu rezkaha pavyšeńnia taryfu na hetuju pasłuhu, i tym bolš pavyšeńnia jaho da ŭzroŭniu, jaki zabiaśpiečvaje poŭnaje kampiensavańnie zatrat, nie prahnazujecca», — padkreśliŭ Šorac.
Jak paviedamlałasia raniej, zhodna ź viasnovymi acenkami Minfina, kala pałovy patreby ŭ srodkach na kapitalny ramont žyllovaha fondu pakryvajecca ŭ krainie ź biudžetu. U toj ža čas nasielnictva, pavodle źviestak Minfina, apłačvaje mienš čym 20% ad patreby ŭ srodkach na kapitalny ramont.
Pavodle źviestak Minfina, najaŭnych srodkaŭ na kapitalny ramont žyłfondu niedastatkova. Adnym sa šlachoŭ vyrašeńnia prablemy niedachopu srodkaŭ na kapitalny ramont žyłych budynkaŭ niekatoryja rehijony bačać u pryciahnieńni lhotnych kredytnych resursaŭ na finansavańnie adpaviednych rabot. Razam z tym Ministerstva finansaŭ hetuju prapanovu nie padtrymlivaje.
Raniej Minfin, spasyłajučysia na infarmacyju Ministerstva žyllova-kamunalnaj haspadarki, paviedamlaŭ, što taryf, jaki zabiaśpiečvaje poŭnaje kampiensavańnie zatrat na kapitalny ramont žyllovaha fondu, składaje prykładna 3.600 rubloŭ za kvadratny mietr ahulnaj płoščy, ci 173 tys. rubloŭ u miesiaca za typovuju dvuchpakajovuju kvateru płoščaj 48 kvadratnych mietraŭ.
Ciapier, zhodna ź infarmacyjaj, raźmieščanaj na sajcie Ministerstva žyllova-kamunalnaj haspadarki, taryf na kapitalny ramont va ŭsich abłaściach Biełarusi ŭstanoŭleny dla nasielnictva na ŭzroŭni 600 rubloŭ za kvadratny mietr ahulnaj płoščy.
