Minski mižnarodny paŭmarafon startuje 14 vieraśnia, paviedamiŭ siońnia žurnalistam hałoŭny arhanizatar i dyrektar mierapryjemstva Siarhiej Zykaŭ.
U zabiehu prymuć udzieł suśvietnyja zorki sportu, palityčnyja dziejačy, kalektyvy pradpryjemstvaŭ, zorki biełaruskaj estrady. Paspaborničać mohuć usie žadajučyja, havorać arhanizatary.
Zabiehi buduć jak indyvidualnymi, tak i karparatyŭnymi. U indyvidualnym zaliku pieramožcaŭ čakajuć hrašovyja pryzy, a ŭ kamandnym pieramožca budzie ŭznaharodžany śpiecyjalnym pryzam — Kubkam mera. Pieršyja 60 udzielnikaŭ, jakija pierasiakuć finišnuju rysu, atrymajuć suvienirnyja pamiatnyja majki.
«Čakajecca, što paŭmarafon dystancyjaj 21 km prabiahuć kala 300 čałaviek. U ahulnym zabiehu na 4 km prymuć udzieł niekalki tysiač spartsmienaŭ-amataraŭ», — skazaŭ Siarhiej Zykaŭ.
Start budzie dadzieny nasuprać Pałaca sportu.
Mierapryjemstva pravodzicca pad patranažam Minharvykankama, Ministerstva sportu i turyzmu Biełarusi.
