Delfi.lv
Kali na terytoryi Łatvii źjaviacca «zialonyja čałaviečki» sa zbrojaj u rukach, jany buduć źniščany. Pra heta zajaviŭ ministr abarony Rajmand Viejonis.
Adkazvajučy na pytańnie, ci budzie aznačać źjaŭleńnie vajennych biez apaznavalnych znakaŭ aktyvizacyju 5-ha artykuła damovy NATO, Viejonis udakładniŭ: «Napramuju — nie. Pierš za ŭsio heta adkaznaść kožnaj krainy, kab nie dapuścić źjaŭleńnia takich «zialonych čałaviečkaŭ».
Pa słovach Viejonisa, u Łatvii isnujuć śpiecpadraździaleńni, jakija nieadkładna adreahujuć na mahčymuju pravakacyju.
Kali ž dyviersanty buduć ŭzbrojeny, u kanflikt ŭmiašajecca armija. «Kali spatrebicca, my hetych «zialonych čałaviečkaŭ» [tak spačatku nazyvali rasijskich bajevikoŭ u Krymie, apranutych u zialonuju formu— NN] prystrelim. Ale kali jany buduć pavodzić siabie mirna, ź imi pavinny spravicca Palicyja biaśpieki i Dziaržpalicyja», — zajaviŭ jon.
