Śledam za Polščaj i Niamieččyna zafiksavała źnižeńnie abjomaŭ hazu, što pastaŭlajecca hazapravodam «Jamał-Jeŭropa». Pra heta paviedamili hiermanskija ŚMI.

Učora Polšča zajaviła, što pastaŭki błakitnaha paliva ŭ hetuju krainu ŭpali na čverć. U vyniku hetaha kraina była zmušana spynić reviers hazu va Ukrainu.

Ekśpierty ŭpeŭnienyja, što takim čynam Rasija sprabuje sarvać jeŭrapiejski prajekt pastavak hazu va Ukrainu i zadušyć niezaležnaść hetaj dziaržavy «rukoj choładu». Ukraina daŭno atrymlivała nievialičkija abjomy hazu z Vuhorščyny i Polščy, a za leta Jeŭrasajuz i Kijeŭ razam uviali ŭ dziejańnie novuju trubu praz Słavaččynu Vajany—Užharad, jakaja dazvolić prapampoŭvać da 10 młrd kuboŭ hazu štohod, što zdolnaja ŭratavać ukrainskija damy ad zamiarzańnia ŭzimku.

Toj haz rasijski, ale paśla zakupu jeŭrapiejskija kampanija volnyja rasparadžacca im, jak chočuć. Dyk «Hazprom» sprabuje pasadzić Jeŭropu na hałodny pajok, daje hazu ŭ abrez.

Rasija spyniła pastaŭki hazu va Ukrainu, patrabuje ad Kijeva płacić na 60 dalaraŭ za kub bolš, čym płacić Hiermanija. Ukrainski ŭrad admoviŭsia padparadkavacca takomu šantažu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?