Delfi.lt
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
«Na hetym tydni ŭ Biełarusi ŭstalujecca nadvorje, jakoje adpaviadaje chutčej žniŭniu, čym pieršamu miesiacu vosieni.
Tempieraturny režym na 2-4, a miescami na 5-6 hradusaŭ pieravysić klimatyčnuju normu, charakternuju dla druhoha tydnia vieraśnia», - skazaŭ Dźmitryj Rabaŭ.
U aŭtorak, pavodle słoŭ sinoptyka, umovy nadvorja na terytoryi krainy ŭ asnoŭnym budzie vyznačać vobłaść pavyšanaha atmaśfiernaha cisku, tolki ranicaj i dniom u zachodnich rajonach respubliki čakajecca ŭpłyŭ frantalnaha raździełu z susiedniaj Polščaj. U suviazi z hetym prahnazujecca pieravažna biez apadkaŭ, tolki ranicaj i ŭdzień miescami pa zachadzie projduć karotkačasovyja daždžy, prahrymiać navalnicy. Unačy i ranicaj u asobnych rajonach źjavicca słaby tuman.
Tempieratura pavietra nočču składzie plus 8-14 hradusaŭ, dniom pavietra prahrejecca ad 19 da 25 hradusaŭ.
U sieradu i čaćvier u zachodnich rajonach zachavajecca ŭpłyŭ frantalnaha raździełu, tamu tam projduć karotkačasovyja daždžy, miescami nie vyklučany navalnicy. Tempieratura pavietra ŭnačy składzie plus 9-15 hradusaŭ, udzień pavietra prahrejecca ad 19 da 26 hradusaŭ, pa zachadzie - da 16-18 hradusaŭ.
«Pačynajučy ź piatnicy atmaśfierny cisk padraście, i na bolšaj častcy terytoryi krainy da kanca tydnia ŭstalujecca suchoje ciopłaje nadvorje», - adznačyŭ Dźmitryj Rabaŭ.
Prahnazujecca pieravažna biez apadkaŭ, tolki ŭ paŭdniova-zachodnich rajonach Bresckaj i Hrodzienskaj abłaściej mahčymy karotkačasovyja daždžy z navalnicami. Tempieratura pavietra nočču składzie plus 8-15 hradusaŭ, dniom čakajecca ad 20 da 26 hradusaŭ, pa paŭdniovym zachadzie krainy budzie na paru hradusaŭ chaładniej.
U subotu ŭ Minsku čakajecca spakojnaje i kamfortnaje nadvorje. Istotnych apadkaŭ nie prahnazujecca, tempieratura pavietra pry słabym paŭdniova-ŭschodnim vietry ŭ razhar dnia składzie plus 21-23 hradusy.
