Prakuratura Zavodskaha rajona Minska 19 červienia sankcyjanavała źmiaščeńnie pad vartu 32-hadovaha žychara stalicy, jaki abvinavačvajecca ŭ hvałtoŭnych dziejańniach sieksualnaha charaktaru, učynieńni złačynstva, praduhledžanaha č. 1 art. 167 KK. 

Jak paviedamiŭ BiełaPAN namieśnik prakurora Zavodskaha rajona Viktoryja Kuncevič,

złačynstva było ŭčyniena 27 śniežnia 2010 hoda. Achviaraj stała 24-hadovaja zamužniaja minčanka. Złačynca napaŭ na jaje ŭ dvary. Jon nie tolki pahražaŭ joj nažom, ale i surjozna parezaŭ kiści ruk,

paśla čaho ŭčyniŭ hvałtoŭnyja dziejańni sieksualnaha charaktaru, skarystaŭšysia biezdapamožnaściu žančyny. Na śledstvie jana pryznałasia, što nie mahła supraciŭlacca, bo ruki adymalisia. Try z pałovaj hada tamu raskryć złačynstva nie ŭdałosia. U toj ža čas byli praviedzieny ŭsie nieabchodnyja śledčyja dziejańni, zrobleny ŭsie nieabchodnyja ekśpiertyzy. 

Ustanavić asobu złačyncy ŭdałosia z dapamohaj hienoma.

Jak paviedamiła Kuncevič, u 2013 hodzie abvinavačany, uradženiec Minskaha rajona, byŭ upieršyniu asudžany za rabavańnie i chulihanstva, tamu jaho hienom i trapiŭ u bazu danych. Zaraz mužčyna svaju vinu pryznaje, rastłumačyć učynak nie moža.

U abvinavačanaha žonka i troje dziaciej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?