Stabilnaść u Biełarusi moža być razburanaja tolki z ekanamičnych pryčyn, zajaviŭ Alaksandr Łukašenka, razmaŭlajučy 19 červienia ŭ Salihorsku z pracoŭnym kalektyvam AAT «Biełaruśkalij» i pradstaŭnikami rehijanalnych ŚMI.

«Kali mianie pačynajuć dapiakać zamiežnyja žurnalisty: voś, tam dyktatura, i Pucin paśla Ukrainy da vas na tanku pryjedzie, dla mianie heta prosta śmiešna. Nichto nikoli ni na jakim tanku da nas nie pryjedzie i nichto nas nie zaviernie z toj darohi, pa jakoj my idziem», — skazaŭ jon.

«Nichto nie ŭ stanie pieraviarnuć krainu, za vyklučeńniem tolki adnoj pryčyny — ekanamičnaj, — padkreśliŭ kiraŭnik dziaržavy. — Našu stabilnaść moža razburyć tolki ekanomika, kali ŭ nas nie buduć pracavać pradpryjemstvy, kali my nie budziem pradavać vyrableny pradukt».

Łukašenka nahadaŭ, što Biełaruś kuplaje pryrodny haz i naftu ŭ Rasii pa značna bolš nizkich cenach, čym susiednija krainy. «Čaho nie chapaje «Biełaruśkaliju» abo inšym pradpryjemstvam? Što jašče treba? Patrebna puha, jak ja časta kažu svaim čynoŭnikam, i dobry cisk, kab pracavali», — zajaviŭ kiraŭnik dziaržavy. Ni jamu, ni ŭradu ŭ hetaj častcy pretenzij pradjaŭlać niama čaho, dadaŭ Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?