U Lidzie vykładčyca adnoj ź miascovych navučalnych ustanoŭ, žančyna 1979 hoda naradžeńnia, pryznałasia ŭ atrymańni chabaru.

Jak paviedamili va UUS Hrodzienskaha abłvykankama, napiaredadni pryjomu ispytu pa pradmiecie «Pieryfieryjnyja pryłady i techničnyja srodki pieradačy dadzienych» u dzień kansultacyi žančyna zdaloku namiaknuła, što studenty pavinny sami viedać, jak zdajucca ispyty.

Navučency pačuli pasył vykładčyka i skinulisia na ahulnuju spravu pa sto tysiač rubloŭ z čałavieka. Hrošy žančynie advioz dadomu adzin z najbolš inicyjatyŭnych studentaŭ, jakomu jana paviedamiła, dzie budzie lažać kankretny bilet, taksama pieradała pieralik ekzamienacyjnych pytańniaŭ i padkazała, dzie šukać adkazy na ich.

Ekzamien byŭ zdadzieny na 9 i 10. A praź niekalki dzion student, jaki pieradavaŭ hrošy, razam z vykładčycaj pryjšoŭ u miascovy adździeł unutranych spraŭ z pavinnaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?