Anłajn z Kijeva

Udzielniki akcyi kala pasolstva Rasii va Ukrainie pierakulili niekalki aŭtamabilaŭ z dypłamatyčnymi numarami. Pra heta ŭ subotu, 14 červienia, paviedamlaje «Interfaks-Ukraina» sa spasyłkaj na svajho karespandenta.

Pikietoŭcy taksama bjuć šyby pierakulenych mašyn. Taksama prysutnyja praciahvajuć zakidvać budynak jajkami, a taksama kamianiami i dymavymi šaškami.

Akramia taho, adzin z aktyvistaŭ źniaŭ z fłahštoka na terytoryi pasolstva rasijski ściah, pišuć u tvitery vidavočcy. U akcyi biare ŭdzieł kala 300-400 čałaviek.

Kolkaść udzielnikaŭ akcyi pavialičvajecca, da ich dałučajucca aktyvisty «samaabarony Majdana» - dobraachvotnaj arhanizacyi, jakaja ŭźnikła paśla razhonu «Jeŭramajdana» ŭ śniežni 2013 hoda.

Milicyja naziraje za padziejami. Na terytoryi pasolstva stajać dva aŭtobusy z bajcami śpiecpadraździaleńnia.

Vyjezd z pasolstva aktyvisty pieraharadzili aŭtamabilnymi šynami, pobač ź jakimi staić butelka ź bienzinam.

Nahodaj dla akcyi stali padziei ŭ Łuhansku, dzie ŭzbrojenyja bajcy samaabvieščanaj «narodnaj respubliki» źbili samalot Ił-76 ukrainskich VPS, u vyniku čaho zahinuli 49 vajskoŭcaŭ i členaŭ ekipaža.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?