— 29 maja Łukašenka padpisaŭ damovu ab stvareńni Jeŭrazijskaha ekanamičnaj sajuza. Biełaruś i tak znachodzicca ŭ arbicie ŭpłyvu Rasii, ź jakoj vyrvacca vielmi składana. Čym pahražaje abo što abiacaje Biełarusi ŭvachodžańnie ŭ JEAES?

— Chaciełasia b mieć tekst damovy pierad vačyma, kab jaje kamientavać: pakul my tolki čujem, ale nie bačym.

Litaralna

napiaredadni Łukašenka kazaŭ, što prajekt damovy ab stvareńni JEAES — nie toj, jakoha čakała i chacieła b Biełaruś. U damovie nie ŭrehulavanyja ŭsie ekanamičnyja supiarečnaści pamiž udzielnikami JEAES, zastalisia kanfiskacyi, na admienie jakich nastojvaŭ aficyjny Minsk.

A «kanfiskacyi» - heta nafta i haz pierš za ŭsio, jakija Biełarusi pryjdziecca kuplać na padstavie biełaruska-rasijskich pahadnieńniaŭ — a ich my taksama nie bačyli.

Uvohule, Biełaruś jašče bolš traplaje ŭ zaležnaść ad Rasii. Z troch udzielnikaŭ JEAES hałoŭny hulec — Rasija, Kazachstan — mienšy pavodle nasielnictva i terytoryi, Biełaruś - jašče mienšaja. Praviły hulni ŭ JEAES vyznačaje Rasija.

Stvareńnie JEAES praduhledžvaje stvareńnie kirujučych nadnacyjanalnych orhanaŭ. Sajuzam budzie kiravać Jeŭrazijskaja ekanamičnaja kamisija, čyje rašeńni abaviazkovyja dla vykanańnia. Kali mierkavać pa presie, kamisija pavinna farmavacca na parytetnych pačatkach — u jaje ŭvojdzie roŭnaje kolkaść pradstaŭnikoŭ ad troch krain. U lubym vypadku Biełaruś vymušana pieradać častku suvierenitetu Jeŭrazijskaj kamisii.

— Ale Nazarbajeŭ zajaviŭ, što JEAES źjaŭlajecca čysta ekanamičnym sajuzam.

— U heta chaciełasia b vieryć Nazarbajevu.

Usie intehracyjnyja pracesy (pamiž Biełaruśsiu, Rasijaj i Kazachstanam, pamiž Biełaruśsiu i Rasijaj) padnosilisia publicy jak ekanamičnyja.

I sajuz Biełarusi i Rasii ŭ samym pačatku ŭjaŭlaŭsia jak ekanamičny. A potym cicha i nieprykmietna ŭsie intehracyjnyja ekanamičnyja sajuzy pierarastajuć u palityčnyja.

I JEAES ŭ chutkim časie stanie palityčnym sajuzam. Charaktar krain-udzielnic sajuza taki, što

sajuz aŭtarytarnych dziaržaŭ nie moža budavacca tolki na ekanamičnaj bazie.

- Jaki častkaj suvierenitetu pryjdziecca pastupicca Biełarusi?

- Siońnia havorka idzie ab rašeńni ekanamičnych pytańniaŭ, jakija pavinna vyrašać Biełaruś u adpaviednaści sa svajoj Kanstytucyjaj. Ekanamičnyja paŭnamoctvy pryjdziecca pieradać Jeŭrazijskamu sajuzu.

Padpisali damovu ab stvareńni JEAES, a na Kanstytucyju nichto nie hladzić. Padpisali — i da kanca hoda ratyfikujuć hetuju damovu.

Nie dumaju, što ź JEAES atrymajecca niešta surjoznaje. Kali suprać Rasii buduć dziejničać sankcyi ZŠA i Jeŭraźviazu za ahresiju va Ukrainie, hetyja sankcyi aŭtamatyčna pierakinucca na Biełaruś i na Kazachstan. I my budziem adkazvać za Krym naroŭni z Rasijaj.

— Jašče ŭ pačatku maja Łukašenka zajaŭlaŭ, što «my nie možam pajści ŭ škodu sabie na niaroŭnych umovach u hety ekanamičny sajuz», ale praź niekalki dzion abviaściŭ, što «my nie budziem błakavać padpisańnie hetaj damovy». Što prymusiła biełaruskaha kiraŭnika źmianić rytoryku?

— Ekanomika prymusiła Łukašenku źmianić rytoryku. My nastolki zaležnyja ad dapamohi Rasii, što nie zdolnyja samastojna ažyćciaŭlać svaju palityku.

— Svaju rytoryku Łukašenka źmianiŭ paśla vizitu ŭ Maskvu. Vieteranam jon abiacaŭ, što pryvioz z Kramla 2-miljardny kredyt, damoŭlenaści pa nafcie i hazu. Adnak ni adno abiacańnie da hetaha času nie vykanana. Čamu?

— Łukašenka abiacaŭ biełarusam toje, što jamu abiacali ŭ Kramli. Rasija svajo abiacańnie nia anulavała, ale i nie ažyćciaviła. Łukašenka abiacaŭ nie svajo, što možna dastać z ułasnaj kišeni i addać ludziam; Łukašenka abiacaŭ čužoje. A Kreml zachoča — daść, nie zachoča — nie daść.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?