Na STAA «Biełviest» (Viciebsk) na hety čas rachunki razbłakiravanyja i situacyja stabilnaja,
zajaviŭ namieśnik hienieralnaha dyrektara pradpryjemstva pa kamiercyjnych pytańniach Dźmitryj Hancoŭ.

«Situacyja stabilnaja, i my dumajem tolki ab naroščvańni abjomaŭ vytvorčaści. Rachunki na hety čas nie zabłakiravanyja, i nijakaj pahrozy spynieńnia vytvorčaści nie było», — zajaviŭ namieśnik hiendyrektara.

«Pierad nami było vystaŭlena niekarektnaje patrabavańnie ad abłasnoj padatkovaj inśpiekcyi ab apłacie padatkaŭ i pradpryjemstva aŭtamatyčna trapiła na kartateku. Cieraz sud prablema była vyrašana», — patłumačyŭ namieśnik hiendyrektara.

Pry hetym jon adznačyŭ, što «ni na chvilinu nie było pahrozy niavypłaty zarpłaty».«Za 25 hadoŭ pracy ŭ nas nie było zatrymak zarpłaty», — zajaviŭ Hancoŭ.

Namieśnik hiendyrektara taksama paviedamiŭ, što pradpryjemstva pravodzić pieramovy z šeraham patencyjalnych inviestaraŭ, u tym liku z «adnoj z najbujniejšych abutkovych kampanij śvietu». Płanujecca pryciahnuć inviestaraŭ da prajekta pa pavieličeńni abjomaŭ vytvorčaści.

Nahadajem, partał tut.by sa spasyłkaj na list pradstaŭnikoŭ viciebskaha pradpryjemstva paviedamiŭ, što rachunki SP byli aryštavanyja słužbovymi asobami Viciebskaj padatkovaj inśpiekcyi 10 śniežnia, napiaredadni vypłaty zarpłaty rabočym.
U rasparadžeńni padatkovaj ukazana, što «ŭ suviazi ź nievykanańniem abo nienaležnym vykanańniem va ŭstanoŭleny termin padatkovaha abaviazacielstva, niavypłataj pieniej spahnać padatki, zbory, pošliny i pieni za košt hrašovych srodkaŭ, što znachodziacca na raźlikovych rachunkach płacielščyka» na sumu bolš čym 8 młrd. rubloŭ. Na «Biełvieście» śćviardžajuć, što ŭ ich «poŭnaściu adsutničajuć padatkovyja i inšyja abaviazacielstvy pierad biudžetam». U toj ža čas bankami prypynienyja ŭsie apieracyi pa rachunkach.

Aŭtary lista, supracoŭniki abutkovaha pradpryjemstva, ličać, što «svaimi dziejańniami Viciebskaja padatkovaja inśpiekcyja parušyła hramadskija intaresy, što vyraziłasia ŭ niemahčymaści ažyćciaŭlać apieracyi z raźlikovych rachunkaŭ na karyść pracoŭnych hramadzian, u toj čas jak pa kalektyŭnym dahavory termin vypłaty zarabotnaj płaty ŭstanoŭleny z 14 dnia miesiaca». U «Biełviesta» jość abaviazacielstvy pa sacyjalnaj abaronie pracoŭnych — «ułasny punkt achovy zdaroŭja, stałovaja, jakija patrabujuć štodzionnych bieśpierapynnych zatrat dla naležnaha absłuhoŭvańnia rabotnikaŭ, vykanańnia mier pa achovie pracy». «Prypynieńnie ŭsich apieracyj pa rachunkach nanosić niepapraŭny ŭron i ŭ śfiery haspadarčaj dziejnaści — niemahčyma svoječasova vykonvać kredytnyja abaviazacielstvy pierad bankami, abaviazacielstvy pierad pastaŭščykami, ažyćciaŭlać zakupki syraviny, materyjałaŭ i abstalavańnia dla vytvorčaści abutku. Značyć, da Novaha hoda biez srodkaŭ da isnavańnia zastanucca bolš čym 2 tysiačy pracaŭnikoŭ; spynicca vytvorčaść abutku», — havorycca ŭ liście supracoŭnikaŭ «Biełviesta».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?