Bolš jak treć nasielnictva Biełarusi, zhodna z apytańniem, złoŭžyvaje śpirtnymi napojami,
paviedamiŭ zahadčyk siektara narkałahičnaha manitorynhu Respublikanskaha navukova-praktyčnaha centra psichičnaha zdaroŭja Alaksiej Kralko 13 śniežnia na pres-kanfierencyi ŭ Minsku.

Zhodna z apytańniem, 31% biełarusaŭ epizadyčna złoŭžyvajuć ałkaholnymi napojami, 11% — sistematyčna. 43% biełarusaŭ užyvajuć ałkahol redka i ŭ nievialikaj kolkaści, 15% hramadzian krainy poŭnaściu ŭstrymlivajucca ad jaho ŭžyvańnia.

Jak zajaviŭ Kralko, dla kožnaha piataha mužčyny ŭ Biełarusi charakternaje «sistematyčnaje pjanstva».
Siarod žančyn jaho raspaŭsiudžanaść składaje 2%, siarod moładzi — 11%. Pry hetym praktyčna 20% aktyŭnych spažyŭcoŭ ałkaholu vypivajuć 80% ad usich spažytych u Biełarusi śpirtnych napojaŭ.

Pavodle słoŭ śpiecyjalista, ekanamičny ŭron ad spažyvańnia ałkaholu ŭ Biełarusi aceńvajecca ŭ 7% ad VUP.

Heta bolšj, čym u krainach Jeŭrasajuza, dzie hety pakazčyk składaje ad 2 da 4% VUP.

Razam z tym miery pa abmiežavańni miescaŭ prodažu ałkaholu, admiena pramoha rehulavańnia cen pryviali da źnižeńnia ŭzroŭniu prodažu ałkaholu, zaznačyŭ Kralko. Za pieršaje paŭhodździe 2012 hoda na dušu nasielnictva było pradadziena 6,24 litra ałkaholnych napojaŭ, što na 4,2% mienš u paraŭnańni z anałahičnym pieryjadam 2011 hoda. Źmienšyŭsia prodaž vinahradnych vin na 0,9%, kańjaku i brendzi — na 27,4%, pładovych vin — na 30,3%. Razam z tym pavialičyŭsia prodaž harełki i likiora-harełačnych vyrabaŭ na 6%, šampanskaha — na 9,3%, piva — na 0,3%.

Kralko taksama paviedamiŭ, što za apošni hod adznačajecca źnižeńnie chvorych na ałkahalizm. Tak, za 9 miesiacaŭ 2012 hoda ŭ paraŭnańni z anałahičnym letašnim pieryjadam ich stała mieniej na 36,8%, ahulnaja kolkaść chvorych na ałkahalizm — na 1,9%, kolkaść ałkaholnych psichozaŭ — na 20,1%. Kolkaść tych, što pastupili ŭ pryjomnyja adździaleńni balnic u stanie ałkaholnaha apjanieńnia za studzień-žnivień, źmienšyłasia na 3,1%, uzrovień vypadkovych atručeńniaŭ ałkaholem — na 25,6%. Kolkaść niaščasnych vypadkaŭ, źviazanych z kiravańniem transpartnymi srodkami, za studzień-žnivień 2012 hoda źmienšyłasia na 14,3% adnosna letašniaha pieryjadu, zabojstvaŭ u stanie ałkaholnaha apjanieńnia — na 8,3%.

Adnak realnaja kolkaść chvorych na ałkahalizm prykładna ŭ piać razoŭ pieravyšaje kolkaść chvorych, jakija aficyjna znachodziacca na ŭliku, padkreśliŭ Kralko.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?