Trahičnaje zdareńnie rasśledujuć u Salihorsku. U adnoj z kvater znajšli dvaich miortvych dziaciej — hadavałaha chłopčyka i trochhadovuju dziaŭčynku.

Baćka — słužačy adnaho ź biełaruskich pradpryjemstvaŭ — viarnuŭsia dadomu paśla pracoŭnaha dnia i pabačyŭ cieły syna i dački ŭ vannaj. Maci zahinułych źnikła bieź viestak.

Zhodna z papiarednim zaklučeńniem ekśpiertaŭ, śmierć nastupiła ŭ vyniku miechaničnaj aśfiksii z pryčyny zakryćcia dychalnych šlachoŭ vadoj.
Na miescy zdareńnia ŭvieś dzień pracavali śledčyja. U Śledčym kamitecie adznačajuć, što siamja była dobraj. 30-hadovy žychar Salihorska i 23-hadovaja ŭradženka Małaryty ŭ šlubie ŭžo 4 hady. Maci znachodziłasia ŭ adpačynku pa dohladzie za dziećmi. Apošni raz muž bačyŭ jaje ranicaj 10 śniežnia.
Salihorskim RAUS UUS Minskaj vobłaści pa padazreńni ŭ ździajśnieńni zabojstva svaich dvaich małaletnich dziaciej adšukvajecca Kirsanava Natalla Vasiljeŭna, 21.01.1989 hoda naradžeńnia.

Prykmiety: na vyhlad 23–25 ​​hadoŭ, chudarlavaha ciełaskładu, rost 160 sm, vałasy rusyja da plačej, na padbarodku i ščokach majucca jamački.

Była apranuta: kurtka-puchavik da kaleniaŭ šeraha koleru z kapiušonam. Kapiušon i kaŭnier ź miecham piasca; šapka viazanaja šeraha koleru, śpieradu na šapcy ŭzor u vyhladzie kvietki; boty, karotkija šeraha koleru biez abcasa, kałhotki vaŭnianyja čornaha koleru, spadnica.

Hramadzian, jakim što-niebudź viadoma ab miescy znachodžańni Kirsanavaj Natalli Vasiljeŭny, prosiać paviedamić u UUS Minabłvykankama pa telefonach u Minsku:
229-04-03, 229-05-90 (dziažurnaja častka) ci ŭ bližejšy orhan unutranych spraŭ pa telefonie — 102.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?