6 śniežnia ŭ Śvietłahorsku 19-hadovaja maci vykinuła ŭ śnieh i zakapała svajo paŭtaramiesiačnaje dzicia.

Jak paviedamili ŭ Śvietłahorskim adździele Śledčaha kamiteta,

niemaŭla vyžyła cudam: vypadkova šakujučaje zdareńnie zaŭvažyła žančyna, žycharka rajcentra.
Uviečary jana ŭbačyła ŭ akno, što na ściežcy spyniłasia maładaja žančyna z kalaskaj, dastała adtul kałysku, kinuła ŭ śnieh i zakapała.
Žančyna vybiehła na vulicu, raskapała śnieh, vyjaviła tam kałysku ź dziciem, zabrała chłopčyka dadomu i patelefanavała ŭ milicyju.
Na nastupny dzień padazravanaja była zatrymanaja. Raspačata sprava pa artykule 159 Kryminalnaha kodeksa (pakidańnie ŭ niebiaśpiecy).
Zaraz dzicia znachodzicca ŭ dziciačaj bolnicy, jano nie paciarpieła,
bo nieabyjakavaja śviedka zdareńnia adreahavała apieratyŭna, čym vyratavała žyćcio chłopčyku.
Padazravanaja letam 2012 była sudzimaja pa dvuch artykułach — 147 KK (naniasieńnie ciažkich cialesnych paškodžańniaŭ) i 157 KK (naŭmysnaje pastaŭleńnie inšaj asoby ŭ niebiaśpieku zaražeńnia VIČ).
Pa rašeńni suda jana atrymała čatyry hady abmiežavańnia voli i štraf u pamiery 30 bazavych vieličyń. Ciažkija cialesnyja paškodžańni maładaja žančyna naniesła svajmu sužycielu. Pražyvała jana z maci, z sužycielem aficyjna adnosiny nie byli zarehistravanyja.

Padazravanaja nie admaŭlaje, što zakapała dzicia ŭ śnieh.

Ździajśnieńnie złačynstva tłumačyć «paślarodavoj depresijaj» i kaža, što nie razumieła, što rabiła.
Viadziecca śledstva.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?