Rasijskaja kampanija Yota Devices zajaviła pra zaviaršeńnie raspracoŭki «rasiejskaha smartfona» pad apieracyjnuju sistemu Android 4.1. Płanujecca, što telefon prezientujuć na vystavie Mobile World Congress u studzieni 2013 hoda ŭ Barsiełonie.

Hałoŭnym adroźnieńniem telefona Yota ad tysiačaŭ inšych androjd-smartfonaŭ źjaŭlajecca najaŭnaść adrazu dvuch ekranaŭ z dyjahanallu ŭ 4,3 cali. Na adnoj paneli raźmieščany zvyčajny LCD-tačskryn, a na advarotnaj — ekran, vykanany pavodle technałohii e-ink (elektronnyja čarniły), jakija šyroka vykarystoŭvajucca ŭ sučasnych elektronnych knihach. Padobnyja ekrany spažyvajuć enerhiju tolki ŭ momant abnaŭleńnia i zachoŭvajuć vyjavy jak zaŭhodna doŭha. Raspracoŭščyki tłumačać, što na ekran e-ink u metach ekanomii enerhii možna budzie vyvodzić sms-paviedamleńni, elektronnyja listy, knihi i inšyja teksty.

Akramia dvuch dyspłejaŭ, telefon abstalavany 12-piksielnaj miehapikselnaj kamieraj i dadatkovaj kamieraj dla videatelefanavańnia i zmoža padtrymlivać standarty suviazi GSM, 3G i LTE.

Nad stvareńniem telefona pracavała 35 śpiecyjalistaŭ. U jaho raspracoŭku ŭkładziena 25 miljonaŭ dalaraŭ, ale kiraŭnictva Yota Devices upeŭniena, što prajekt chutka akupicca. Kaštavać devajs budzie kala 500 dalaraŭ ZŠA — tańniej za iPhone, ale daražej za «fłahmanskuju» madel Galaxy S III karejskaj kampanii Samsung.

Pakul jašče biezimienny smartfon ad Yota Devices — nie pieršy telefon takoj kampanoŭki: smartfony z dvuma ekranami ŭžo źjaŭlalisia ŭ azijackich krainach, ale asablivaj papularnaściu siarod kupcoŭ nie karystalisia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?