U vaśmi rajonach Homielskaj vobłaści 11 śniežnia adbyłosia adklučeńnie elektryčnaści.

Elektraenierhija adsutničała z 6.30 da 18.03 u Kalinkavickim, Naraŭlanskim, Mazyrskim, Jelskim, Lelčyckim, Łojeŭskim, Akciabrskim i Brahinskim rajonach. Jak paviedamili ŭ Homielskim abłasnym upraŭleńni MNS, biez elektrazabieśpiačeńnia zastavalisia 23 nasielenyja punkty, dźvie małočna-tavarnyja fiermy, čatyry siarednija škoły, try dziciačyja daškolnyja ŭstanovy. Pryčynaj masavaha adklučeńnia stali mocnyja śniehapady (paškodžańni pravadoŭ z-za nalipłaha śniehu, padzieńnia dreŭ i h.d.).

Nočču 11 śniežnia pastupiła paviedamleńnie ab adklučeńni elektraenierhii i spynieńni pomp kacielnaj u dziciačym reabilitacyjnym azdaraŭlenčym centry «Sidzielniki» ŭ Mazyrskim rajonie.
Na čas praviadzieńnia adnaŭlenčych rabot elektrazabieśpiačeńnie ažyćciaŭlajecca ad dyzielnaha elektrahienieratara Mazyrskaha HRAČS. Na hety momant viaducca adnaŭlenčyja raboty.

Na siońnia elektrazabieśpiačeńnie, pavodle infarmacyi MNS, adnoŭlena ŭ poŭnym abjomie.

Razam z tym žychary vulicy Prytyckaha ŭ Mazyry paviedamili BiełaPAN, što pa stanie na 12.30 12 śniežnia ŭ ich kvaterach nie było ni elektryčnaści, ni vodazabieśpiačeńnia. «U nas kaniec śvietu, mabyć, nastupiŭ na dziesiać dzion raniej, čym mierkavałasia», — adznačyŭ hramadski aktyvist z Mazyra Pavieł Nazdra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?