Ravi Šankar.

Ravi Šankar.

Učora ŭ 92 hady ŭ bolnicy horada San-Dyjeha (štat Kalifornija, ZŠA) pajšoŭ z žyćcia virtuoz sitara i adna z «ikonaŭ» sučasnaj muzyki Ravi Šankar. Mienavita Šankar staŭ tym čałaviekam, jaki paznajomiŭ masavuju kulturu Zachadu ź indyjskaj muzykaj.

Ravi Šankar sa svajoj dačkoj Anuškaj Šankar

Ravi Šankar naradziŭsia 7 kastryčnika 1920 hoda ŭ tady jašče brytanskaj Indyi. Ihrać na tradycyjnych muzyčnych instrumientach jon pačaŭ jašče ŭ dziacinstvie. Padčas jeŭrapiejskich hastrolaŭ z muzyčnaj i tancavalnaj hrupaj Ravi Šankar paznajomiŭsia z zachodnimi tradycyjami i kulturaj.

Ravi Šankar vučyć Džordža Charysana hrać na sitary

U 1960-ja sitarnaja muzyka Ravi Šankara zachapiła hurt The Yardbirds, jaki vykarystaŭ sitar u svaich zapisach. Ale suśvietnuju papularnaść Ravi Šankaru pryniesła znajomstva z hitarystam hurtu The Beatles Džordžam Charysanam. Charysan vielmi ŭpadabaŭ sitar, a potym i indyjskuju kulturu: pačaŭ zajmacca johaj, cikaviŭsia induizmam dy mistycyzmam. Sitar možna pačuć u pieśnie The Beatles Norwegian Wood (The Bird Has Flown) z alboma Rubber Soul. Paźniej Ravi Šankar staŭ nastaŭnakim Charysana pa sitary. U 1969 hodzie Šankar vystupiŭ na kultavym fiestyvale «Vudstak».

Ravi Šankar na fiestyvali «Vudstak»

Ravi Šankar byŭ nie tolki vydatnym vykanaŭcam, ale i kampazitaram. Šankar taksama vykładaŭ mastactva indyjskaj kłasičnaj muzyki va ŭniviersitetach pa ŭsim śviecie. Ravi Šankar źjaŭlajecca pačesnym členam Amierykanskaj akademii mastactva i litaratury i členam Mižnarodnaj trybuny kampazitaraŭ AAN. Zachad acaniŭ tvorčaść Šankara ŭ try premii «Hremi», Indyja ž uznaharodziła słavutaha hramadzianina ŭsimi vyšejšymi dziaržaŭnymi ordenami. U sieradu abiedźvie pałaty indyjskaha parłamienta pačali pasiedžańni z chviliny maŭčańnia ŭ znak žałoby pa Ravi Šankaru.

Pieśnia The Beatles Norwegian Wood (The Bird Has Flown), u jakoj Džordž Charysan vykarystaŭ sitar

Ale Ravi Šankar jašče doŭha budzie žyć jak va ŭschodniaj, tak i ŭ zachodniaj muzycy: praź jaho ŭpłyŭ muzyčnyija kalektyvy pa ŭsim śviecie dahetul pryŭnosiać huki niezvyčajnych indyjskich instrumientaŭ u svaju tvorčaść.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?