Pra heta 11 śniežnia ŭ Minsku zajaviŭ Alaksandr Łukašenka, sustrakajučysia z členami Kłuba hałoŭnych redaktaraŭ krain SND, Bałtyi i Hruzii.

Pavodle słoŭ Łukašenki, Biełaruś pieravalvaje cieraz party Litvy i Łatvii značnyja abjomy hruzaŭ. «60 młn. t hruzaŭ my pieravalvajem cieraz vašy party. Jak vy možacie hałasavać za sankcyi suprać Biełarusi?» — aburyŭsia prezident. «Tracinu biudžetu vy (Litva i Łatvija) farmirujecie za košt nas. Nie razumieju, navošta vam z nami vajavać», — dadaŭ jon.

«My pierakiniem (u Rasiju). My z Uładzimiram Pucinym damovilisia vybudoŭvać taryfy i rychtujem party. Dla pačatku pierakiniem 20 młn. t».

***

Nahadajem, jak zajaviŭ žurnalistam 16 listapada ŭ Minsku pieršy namieśnik prem'jer-ministra Biełarusi Uładzimir Siamaška, «Rasija nie naciskaje na Biełaruś u pytańni pieraraźmierkavańnia patoku hruzaŭ na party Leninhradskaj vobłaści». «Tut patrebny kompleksny padychod, i my hatovy razhladać prapanovy rasijskich kaleh, bo vystupajem za dyviersifikacyju patokaŭ i ekanamičnuju vyhadu», — skazaŭ jon.

Pry hetym Siamaška nahadaŭ, što asnoŭny tranzit biełaruskich ekspartnych hruzaŭ ažyćciaŭlajecca cieraz bałtyjskija party (Kłajpieda, Vientśpiłs, Ryha, Muuha), a taksama ŭkrainskija (Adesa, Nikałajeŭ). Na jaho dumku, «čym bolš prapanoŭ, tym lepš, tym tańniejšaja transpartnaja pasłuha». «Z punktu hledžańnia biźniesu heta taksama vyhadna, bo ŭładalniki partoŭ pavialičvajuć zahruzku terminałaŭ», — rastłumačyŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?