Pytańnie ab vydačy byłoha prezidenta Kyrhyzstana Kurmanbieka Bakijeva nie źjaŭlajecca prablemaj u adnosinach dźviuch krain.Pra heta, jak paviedamlaje dziaržaŭnaje ahienctva BiełTA, zajaviŭ Alaksandr Łukašenka 11 śniežnia ŭ Minsku na sustrečy z členami Kłuba hałoŭnych redaktaraŭ krain SND, Bałtyi i Hruzii.
«Prablema z Bakijevym — heta siońnia ŭžo nie prablema ŭ našych adnosinach. Vam patrebien Bakijeŭ? Navošta? Čałaviek žyvie, źjechaŭ, usiakaje byvaje, haduje dziaciej», — skazaŭ Łukašenka.
Jon taksama prakamientavaŭ čutki ab pryčynach niepryjezd na samit SND u Ašchabad ciapierašniaha prezidenta Kyrhyzstana Ałmaźbieka Atambajeva.«Niekatoryja ŭ Rasii, dy i ŭ nas, pisali, što jon nie pryjechaŭ u Turkmienistan, bo ja tam byŭ. My ŭžo šmat razoŭ sustrakalisia, u nas ź im dobryja adnosiny. A nie pryjechaŭ jon tamu, što tam u hety čas sabralisia kiraŭniki ŭradaŭ ŠAS», — rastłumačyŭ Łukašenka.
Ahienctva
«Žyvie čałaviek, piensiju jamu siudy pieraviadzicie. Byccam by naličana, ale nie pieravodziać»,— adznačyŭ Łukašenka. Jon taksama paviedamiŭ, što dzieci Bakijeva za karotki pieryjad času paśpieli vyvučyć biełaruskuju movu.
«Ja nie byŭ siabram Bakijeva, jon byŭ siabram Pucina, Nazarbajeva», — zajaviŭ Łukašenka i, uspaminajučy padziei ŭ Kyrhyzstanie, dadaŭ:
«Jon telefanuje, płača: zabiary dziaciej. Ja kažu: pryjazdžaj razam ź dziećmi».
