«Biełavija» źniziła taryfy pa dziesiaci napramkach, ale za vyniatkam navahodnich śviat 2

Avijakampanija «Biełavija» sa śniežnia da kanca lutaha źniziła taryfy na pieralot pasažyraŭ pa dziesiaci napramkach, jakija złučajuć Minsk z bujnymi haradami Jeŭropy i SND.

«Źnižany taryf, jaki ŭstanaŭlivajecca „Biełavija“, ad 10 da 55% u zaležnaści ad rejsa, taksy i zbory zastajucca na raniejšym uzroŭni, ale ŭ lubym vypadku bilety stali tańniejšyja», — rastłumačyli śpiecyjalisty. Samaje istotnaje skaračeńnie taryfu datyčycca rejsaŭ ź biełaruskaj stalicy ŭ Varšavu (mienš na 55% ad raniej dziejučaha), Jekaciarynburh (na 41%), Baku (na 39%), Hanovier (na 25%).

U pres-słužbie adznačyli, što prapanova pa prodažy biletaŭ pa źnižanych cenach nie budzie dziejničać u dni navahodnich i kaladnych śviat — z 21 śniežnia pa 14 studzienia.

Havoračy ab novaŭviadzieńniach hetaj zimy, u pres-słužbie raskazali, što ŭ kancy śniežnia «Biełavija» raźličvaje adkryć rehularny rejs ź Minska ŭ Barsiełonu (Ispanija). Akramia taho, u śniežni-studzieni avijakampanija płanuje vykonvać čartarnyja rejsy ź Minska ŭ Sałoniki (Hrecyja). «Pradumvajučy hety maršrut, my robim akcent na amataraŭ harnałyžnaha sportu i ekstremalnaha adpačynku», — udakładnili ŭ pres-słužbie.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH