Pra heta paviedamiła 11 śniežnia žurnalistam načalnik adździeła arhanizacyjnaj pracy azdaraŭleńnia nasielnictva i turyzmu ŭpraŭleńnia fizičnaj kultury, sportu i turyzmu Minskaha abłasnoha vykanaŭčaha kamiteta Inha Małaškievič.
Pavodle jaje słoŭ, harnałyžny centr buduje pryvatnaje TAA «Servisny centr «Viesta». Najbližejšym časam płanujecca zalić katok i adkryć punkt prakatu. Što da hary dla spusku na łyžach, jana ŭžo nasypana, adnak da pryjomu naviednikaŭ pakul nie hatova. «Chutčej za ŭsio, da hetaha siezona jany nie paśpiejuć jaje adkryć: treba vykanać vialiki abjom rabot», — adznačyła Małaškievič.
Schił dla katańnia pačnie pracavać, vierahodniej za ŭsio, blizu nastupnaha siezona. Miarkujecca, što harnałyžny kurort budzie akazvać uvieś kompleks sučasnych pasłuh.
