Śledčy kamitet raspačaŭ kryminalnuju spravu ŭ dačynieńni da viadomaha biełaruskaha režysiora Siarhieja Arłova ŭ suviazi z kradziažami hrašovych srodkaŭ Miždziaržaŭnaj teleradyjokampanii «Mir».

Pakul Siarhieju Arłovu inkryminujecca tolki złoŭžyvańnie słužbovymi paŭnamoctvami, u vyniku čaho MDTRK «Mir» pazbaviłasia peŭnaj sumy hrošaj.

Jak paviedamiła «Ježiednievniku» aficyjny pradstaŭnik upraŭleńnia Śledčaha kamiteta Respubliki Biełaruś pa Viciebskaj vobłaści Ina Harbačova, u Viciebsk z Upraŭleńnia Śledčaha kamiteta pa h. Minsku pastupiła kryminalnaja sprava pa č.3 art.424 Kryminalnaha kodeksa Biełarusi (złoŭžyvańnie ŭładaj abo słužbovymi paŭnamoctvami) u dačynieńni da słužbovaj asoby «Teleradyjokampanija «Viciebsk». Pa słovach pradstaŭnika SK, zaraz kryminalnaja sprava nakiravanaja ŭ centralny aparat Śledčaha kamiteta dla dalejšaha razhladu.

Niahledziačy na toje, što SK nie nazyvaje pasadu i proźvišča słužbovaj asoby teleradyjokampanii «Viciebsk», i nie raskryvaje sutnaść inkryminavanych jamu złačynstvaŭ, daviedacca pryčyny skandału nie skłała ciažkaściaŭ. Słužbovaja asoba — heta i jość Siarhiej Arłoŭ, jaki zajmaje ciapier pasadu hałoŭnaha režysiora RUP RTC «Teleradyjokampanija «Viciebsk».

Pavodle dadzienych pravaachoŭnych orhanaŭ, Siarhiej Arłoŭ z 2007 pa 2009 hady nasupierak intaresam słužby, z vykarystańniem svaich słužbovych paŭnamoctvaŭ, arhanizavaŭ zaklučeńnie damovaŭ pamiž Nacyjanalnym pradstaŭnictvam MTRK «Mir» u Respublicy Biełaruś i svaim baćkam, indyvidualnym pradprymalnikam Alaksandram Arłovym.

Za try hady, pavodle damovaŭ, IP Arłoŭ pavinien byŭ padrychtavać dla miždziaržaŭnaj teleradyjokampanii «Mir» 14 telepieradač. Usie pieradačy byli zroblenyja i pieradadzienyja zhodna z aktam vykananych rabot telekampanii. I ŭ hetym fakcie nie było b ničoha aburalnaha, kali b ni adna akaličnaść.

Jak śćviardžajuć supracoŭniki pravaachoŭnych orhanaŭ, usie telepieradačy byli nasamreč padrychtavanyja nie IP Arłovym, a supracoŭnikami samoj telekampanii. Samoje ž zaklučeńnie damovaŭ i ich nibyta fiktyŭnaje vykanańnie było, na dumku supracoŭnikaŭ siłavych viedamstvaŭ, usiaho tolki sposabam kradziažu srodkaŭ MDTRK «Mir». Na karyść hetaha śviedčać nie tolki aktyŭnyja dziejańni Siarhieja Arłova pa zaklučeńni nazvanych vyšej damovaŭ, ale i składańnie nibyta «zaviedama padroblenych aktaŭ vykananych rabot».

Ź inšaha boku, kali heta sapraŭdy tak, to ŭźnikaje pytańnie: čamu adpaviednyja dziejańni Siarhieja Arłova kvalifikavanyja tolki jak złoŭžyvańnie?

Usio heta vyhladaje davoli dziŭnym. Tym nie mienš, pavodle padlikaŭ apieratyŭnikaŭ HUUS Minharvykankama, u vyniku ŭsich hetych dziejańniaŭ MDTRK «Mir» nibyta paciarpieŭ na sumu zvyš za 56 miljonaŭ rubloŭ u cenach 2007–2009 hadoŭ.

Cikava, što sprava była zaviedziena jašče miesiac tamu, ale jaje rasśledavańnie realna da hetaha času nie pačałosia.
Spačatku sprava była va ŭpraŭleńni Śledčaha kamiteta pa h. Minsku, ale pakolki padazravany i jaho baćka pražyvajuć u Viciebsku, materyjały byli nakiravany ŭ stalicu «Słavianskaha bazaru». Ale tam ź niejkaj pryčyny nie ŭziali spravu da vytvorčaści, a nakiravali jaje ŭ centralny aparat SK. Z usiaho vidać, składanaść z vyznačeńniem padślednaści kryjecca nie tolki ŭ nie zusim zrazumiełym padazreńni, ale i ŭ asobie samoha padazravanaha.

Siarhiej Arłoŭ ciapier zajmaje pasadu hałoŭnaha režysiora RUP RTC «Teleradyjokampanija «Viciebsk», ale jon vielmi dobra viadomy pa ŭsioj krainie.

Na telebačańnie jon pryjšoŭ jašče ŭ 1984 hodzie i prajšoŭ šlach ad administratara da hałoŭnaha režysiora telekampanii. Śpis prafiesijnych dasiahnieńniaŭ Siarhieja Arłova davoli vialiki.
U 1995 hodzie jon staŭ zasnavalnikam adnaho ź pieršych u Biełarusi niezaležnych telekanałaŭ — «Art-videa».
Z 1995 pa 1998 hod pracavaŭ art-dyrektaram hetaha telekanała. U 1998 hodzie Arłoŭ stvaryŭ pieršy ŭ Biełarusi telekanał, jaki viaščaje z rehijonu, ale achoplivaje ŭsiu respubliku, — 6 TVK. U 1998–2003 hadach jon pracavaŭ dyrektaram hetaha telekanała, a taksama prahramnym dyrektaram telekanała STS pa retranślacyi prahram na terytoryi Viciebska i Viciebskaj vobłaści.

U 2003–2007 hadach Siarhiej Arłoŭ zajmaŭ pasadu hienieralnaha pradziusara, hałoŭnaha redaktara RUP «RTC «Teleradyjokampanija Viciebsk». Byŭ režysioram dakumientalnych filmaŭ «Połacku 1140 hadoŭ» i «Słavianski bazar u Viciebsku», a taksama pradziusaram i režysioram cykłu dakumientalnych prahram «Siamiejny albom» (75 vypuskaŭ), jakija byli pakazany Nacyjanalnaj dziaržaŭnaj teleradyjokampanijaj Respubliki Biełaruś, MDTRK «Śviet» i telekanałam «Strana».

Z 2007 hoda Siarhiej Arłoŭ stanovicca hałoŭnym režysioram teleradyjokampanii «Viciebsk».
Jon taksama režysior-pastanoŭščyk štodzionnaha infarmacyjna-zabaŭlalnaha interaktyŭnaha prajekta «Ranica-live». Pradziusier i režysior muzyčna-zabaŭlalnaha prajekta «Randevu z zorkaj» i cykłu dakumientalnych filmaŭ «Susiedzi», jakija vychodziać u efir MDTRK «Mir». Aŭtar scenaryja 15-sieryjnaha dakumientalnaha filma «Słavianski bazar. Staronki historyi «.

Siarhiej Arłoŭ taksama byŭ režysioram-pastanoŭščykaminfarmacyjna-muzyčnaha «Ranišniaha kanała», viačerniaha muzyčna-zabaŭlalnaha «Kanała dla zakachanych», režysioram i pradziusaram telečasopisa dla tynejdžaraŭ «Abrakadabra-2», pradziusaram konkursu narodnych talentaŭ «Pakazucha», pradziusaram i režysioram-pastanoŭščykamtok-šoŭ «Hość», prahramy «Randevu z zorkaj» i infarmacyjna-analityčnaj «Novaj prahramy». Jon taksama byŭ inicyjataram i režysioram-pastanoŭščykam pieršaha ŭ historyi Biełarusi kruhłasutačnaha telemarafona, pryśviečanaha adnaŭleńniu Śviata-Uśpienskaha kafiedralnaha sabora ŭ Viciebsku.

Adna z samych znakamitych rabot Siarhieja Arłova — dakumientalny film «Jefrasińnia Połackaja», dzie jon byŭ i scenarystam i režysioram.

Roznych uznaharod Siarhiej taksama sabraŭ vialikuju kalekcyju. U 2000 hodzie jon byŭ udastojeny śpiecyjalnaha pryza telefiestyvalu «Usia Rasija» — za infarmacyjna-analityčny prajekt «Novaja prahrama».

U 2003 hodzie staŭ łaŭreatam Jeŭrazijskaha teleforuma ŭ naminacyi «Prahramy dla dziaciej i junactva» (za telečasopis «Abrakadabra-2»), u 2008 hodzie — u naminacyi «Siužety i repartažy» (za cykł dakumientalnych filmaŭ «Susiedzi»).

U 2004 hodzie byŭ uznaharodžany śpiecyjalnaj premijaj žury Bałkanskaha fiestyvalu filmaŭ i televizijnych prahram dla dziaciej i junactva «Art Amfara».

U 2005 hodzie staŭ uładalnikam śpiecyjalnaha pryza žury Dziciačaha fiestyvalu mastactvaŭ u Sankt-Pieciarburhu.

U 2006 hodzie stvorany Arłovym cykł dakumientalnych prahram «Siamiejny albom» staŭ pieramožcam Mižnarodnaha katalickaha fiestyvalu chryścijanskich filmaŭ i teleprahram «Magnificat».

U 2011 hodzie byŭ uznaharodžany miedalom za ŭkład u arhanizacyju i praviadzieńnie Mižnarodnaha fiestyvalu mastactvaŭ «Słavianski bazar u Viciebsku» u suviazi z 20-hodździem hetaha mierapryjemstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?