Rakietnyja vojski stratehičnaha pryznačeńnia admoviacca ad zakupak «MAZaŭ» i pierasiaduć na rasijskija «Kamazy».

Minabarony Rasii płanuje da kanca 2013 hoda admovicca ad zakupak biełaruskich vajennych hruzavikoŭ i ciahačoŭ marki «MAZ», jakija vykarystoŭvajucca ŭ jakaści płatformaŭ dla balistyčnych rakiet «Jars» i pavinny byli stać nośbitami pierśpiektyŭnych kompleksaŭ «Avanhard», paviedamlajuć «Iźviestija».

Pa słovach vysokapastaŭlenaj krynicy ŭ hłaŭkamacie Rakietnych vojskaŭ stratehičnaha pryznačeńnia, zamiest biełaruskich hruzavikoŭ mižkantynientalnyja rakiety buduć stavić na ajčynnyja «KamAZy».

— Z hetaj metaj na Kamskim zavodzie ŭ 2013 hodzie zakančvajuć pierśpiektyŭnyja hruzavyja šasi «Płatforma». Na ich my ŭstalujem nie tolki puskavyja ŭstanoŭki, ale i ŭsie dapamožnyja kompleksy: ruchomyja internaty, mašyny zabieśpiačeńnia bajavoha dziažurstva i h.d., — kaža jon.

Biełarusam pakul nie dali kančatkovaj admovy ad ich pradukcyi. U RVSN ŭžo pastupili pieršyja sieryjnyja minskija hruzaviki na novym šasi MZKC.
U ramkach vajennaha supracoŭnictva ź Biełaruśsiu da 2014 hoda rasijskija vojski atrymajuć niekalki dziasiatkaŭ «Jarsaŭ» na minskich mašynach, ale novych zakupak ŭžo nie budzie.

Pa słovach vajskoŭcaŭ, rasijskija mašyny lepš adpaviadajuć techničnym patrabavańniam: «U biełarusaŭ hruzapadymalnaść 80 t, u našych — bolš za 85 t. Chutkaść pa pierasiečanaj miascovaści — 35–40 km/hadz suprać 30 km/hadz. Hłybinia pieraadolvajemaha brodu 1,5 m, u minčan — 1,1 m ».

Ad «MAZaŭ» mohuć admovicca ŭsie vidy i rody Uzbrojenych sił, kali «Płatforma» pryžyviecca ŭ RVSN.

Adnak jahonyja kalehi z techničnych słužbaŭ u «KamAZ» nie ŭpeŭnienyja. Adzin ź ich skazaŭ " «Iźviestijam», što ŭ rasijskaha vytvorcy praktyčna niama vopytu stvareńnia vialikahruznych składanych aŭtamabilaŭ.

Hruzaviki Minskaha aŭtazavoda marki 7912/7917 na šasi MZKC-79.221 ličacca simvałam RVSN. Na ich pieravozilisia praktyčna ŭsie savieckija ruchomyja kompleksy, u tym liku znakamitaja SS-20. Va ŭsich paradach na Krasnaj płoščy ŭdzielničali mienavita «MAZy».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?